Þórdís Lóa Þórhallsdóttir oddviti Viðreinsar í borgarstjórn síðustu átta ár hefur ákveðið að gefa ekki kost á sér í komandi borgarstjórnarkosningum.
„Takk fyrir okkur, elsku Lóa,“ sagði Þorgerður Katrín formaður Viðreisnar þegar hún heyrði tíðindin.
BARA BISTRO Í BORGARNESI – SLÆR Í GEGN
Bara bistró í Borgarnesi er líklega myndskreyttasti veitingastaður landsins, a.m.k. að utanverðu.
–
Það er úkraínska listakonan Lucy Nikishina Nechaevskaya sem á heiðurinn af þessum líflegu myndskreytingum á Bara bistró, sem stendur við Brákarbraut, örstutt frá Landnámssetrinu.
–
Myndaskreytingarnar hafa heldur betur örvað viðskiptin á Bara bistró, þar er fullt í mat alla daga og 90% af viðskiptavinunum eru erlendir ferðamenn.
–
Bistróið er í húsakynnum við Brákarbraut sem áður hýstu Dússabar, sem lengi var afar vinsæll meðal heimamanna jafnt sem gesta, en hætti starfsemi þegar Dússi fór á eftirlaun.
DRAUGAGANGUR Á LAUGAVEGI
„Draugagangur á Laugavegi (mjög líklega Degi að kenna)“ heitir þessi mynd Ara Sigvaldasonar myndakaupmanns á Skólavörðustíg.
FLASKA VIKUNNAR HJÁ ENDURVINNSLUNNI
„Flaska vikunnar er Soccerade frá árinu 2010 skreytt sjálfum Cristiano Ronaldo, einum besta knattspyrnumanni allra tíma,“ segir í tiLkynningu frá flöskumóttökustöð Endurvinnslunnar.
–
„Flaskan er í toppstandi og hefur líklega verið skraut í herbergi hjá sönnum aðdáanda. Margir halda að plastflöskur frá Endurvinnslunni endi í brennslu en það er ekki rétt!
Svokallað PET plast (sem notað er í gosdrykki og safa) fer til viðurkenndra endurvinnslustöðva þar sem úr verður rPET, endurunnið plast sem notað er í nýjar umbúðir. Það sem truflar ferlið er þegar ódýrari plasttegundir slæðast með. En þessi Ronaldo flaska? Hún fer beint í safnið okkar.“
AMY WINEHOUSE (42)
Amy Winehouse (1983-2011) er afmælisbarn dagsins, hefði orðið 42 ára. Hér syngur hún um tárin sem þorna af sjálfu sér:
STEINLAUSAR DÖÐLUR TEKNAR ÚR UMFERÐ
Icepharma hf., að höfðu samráði við Heilbrigðiseftirlit Reykjavíkur, hefur stöðvað sölu og innkallað frá neytendum MUNA Döðlur steinlausar.
Ástæða: Varan getur verið byrjuð að gerjast og er því óhæf til neyslu.
BJÖRGÓLFUR HRAPAR NIÐUR FORBES LISTANN UM RÍKUSTU MENN HEIMS
Auðævi Björgólfs Thors hafa snarminnkð samkvæmt árlegum lista tímaritsins Forbes um ríkustu menn heims. Björgólfur er nú metinn á eina billjón dollara en í fyrra var það rúmlega helmingi meira, 2.1 billjón.
EDDA BJÖRGVINS (73)
Eftirlæti þjóðarinnar um áratugaskeið og þjóðarsómi, Edda Björgins, er afmælisbarn dagsins (73). Hér er hún í Áramótskaupinu fyrir rúmum 40 árum:
SNÆRÓS ÓSKAR EFTIR LÆKNINGU
„Ég hef lengi vitað að ég er haldin starfsauglýsingafíkn. Ég má helst ekki sjá auglýsingu án þess að langa, í eitt augnablik, að sækja um hana. Þetta er freistnivandi sem gerir engan greinarmun á gæði og eðli starfa,“ segir athafnakonan og dægurstjrnan Snærós Sindradóttir
–
„Öfgafyllstu áhrifin koma fram þegar störf eru auglýst á Facebook því þá er hvert starf kynnt eitt og stakt, en ekki í hópi og hrærigraut annarra starfa. Miðillinn er búinn að fatta þennan veikleika minn, svo ég fæ straum starfaauglýsinga.
Þá skiptir engu að ég sé orðin bæði galleristi í SIND og framkvæmdastjóri Evrópuhreyfingarinnar. Ég verð enn alveg jafn spennt fyrir starfi sundlaugarvarðar í Þelamörk eða starfi umsjónarmanns fasteigna í grunnskólanum á Stöðvarfirði.
Lækning óskast.“
HELEN HEILAR OG SPÁIR Í SPIL
Frá Sálarrannsóknarfélaginu
–
Helen er búin að vera í andlegum málefnum í mörg ár. Hún er Reikimeisti, heilari OPJ þerspisti og les í spil eða bolla.
Hún hefur fengið þjálfun hjá Garðari Jónssyni, Guðrúnu Ólafsdóttur, Sigrúnu Gunnarsdóttur, Ásthildi Sumarliða, Guðnýju Stefnis ásamt öðru góðu fólki.
Helen býður upp á heilun og spá í spil í lok tímans.
Helen býður upp á tíma á ensku fyrir þá sem þurfa.
