Það var fallegt um að litast í Heiðmörk í hádeginu í dag þegar Heiða Björg Hilmisdóttir borgarstjóri felldi Oslóartréð sem prýðir Austurvöll yfir hátíðarnar.
Þótt Oslóartréð komi nú úr Heiðmörk hefur það engu breytt um vináttuna og í stað jólatrés gefa borgaryfirvöld í Osló grunnskólum í Reykjavík bækur.
Að venju gefur Reykjavíkurborg Færeyingum tré, sem Eimskip sér um að flytja til Færeyja. Kveikt verður á því jólatré í Þórshöfn þann 29. nóvember.
Tónlistarstjarnan Bríet fór til Nashville og kom heim kántrí. Hún er að leggja heiminn að fótum sér.
Hún var samferðakona Bítlanna og fleiri breskra hljómsveita sem sprungu út á sjöunda áratugnum og lögðu ekki aðeins Breska heimsveldið að fótum sér heldur einnig vinsældalista í Bandaríkjunum þannig að innfæddir urðu að víkja. Petula var sæta stelpan í hópnum og er 93 ára í dag. Eftir hana liggja 68 milljónir seldra hljómplatna þar sem „Down Town“ trónir á toppnum:
Stjörnubakarinn Jói Fel hefur verið að kokka á Litla Hrauni sem kunnugt er af fréttum. Urgur er í nokkrum matreiðslumeisturum sem höfðu áhuga á starfinu þegar það var auglýst af hinu opinbera. Ekki vegna þess að Jói Fel er bakari en ekki matreiðslumeistari heldur hitt að hann er kærasti Kristínar Evu Sveinsdóttur förstöðumanns á Litla Hrauni sem auglýsti starfið.
Karl Bretakonungur er 77 ára í dag. Ætla mætti að erfitt væri að finna afmælisgjöf fyrir mann sem metinn er á 2 milljarða punda og gæti þess vegna keypti hvað sem er. En það vefst ekki fyrir vinum og ættingjum. Hann óskar sér alltaf þess sama: Eitthvað fyrir Highgrover garðinn sinn. Plöntur, tré, bekki eða jafnvel gangstéttarhellur.
„Garðyrkja er ástríða hans. Hann er besti konununglegi garðyrkjumaður sögunnar,“ segir aðstoðarmaður hans til margra ára. „Græni kóngurinn.“
Blessuð sé minning Helga Péturssonar, þess góða manns sem öllum vildi vel.
Á meðan þrasað er um innflytjendur á alla kanta slær Bubbi Morthens vopn úr allra höndum og segir: „Mamma mín var innflytjandi. Afi minn í föðurætt líka.“
Fjöllistamaðurinn Snorri Ásmundsson er afmælisbarn dagsins (59). Hann hefur markað dýpri spor en margur í íslenskan hversdagleika með sköpun sinni út og suður, upp og niður osfrv. Hann fær óskalagið Crasy með Patsy Cline:
eirikurjonsson.is - fréttir fyrir fólk
© 2024 Eiríkur Jónsson