„Tveir fyrir einn, Bóndagur og 74 ára líflína, botnlausar kærleikskveðjur!“ segir Valgeir Guðjónsson sem átti afmæli í gær.
LÍFSLEIKNI LINDU
„Sjálfsmyndin mótar lífið þitt Þú getur aldrei öðlast meira en sjálfsmynd þín leyfir. Því heimurinn í kringum þig endurspeglar alltaf álit þitt á sjálfri þér,“ segir Linda Pétursdóttir alheimsfegurðardrottning í hugleiðingu dagsins:
–
„Sjálfsmynd þín er hugræn mynd sem þú geymir í höfðinu á þér, sem stýrir skoðunum þínum á sjálfri þér, hvernig þú umgengst aðra, hvaða markmið þú setur þér, flíkunum sem þú velur að klæðast, stöðunum sem þú ferð á, launin sem þú þénar og í hvað þú eyðir þeim. Hvernig þú hugsar um líkamann þinn, með hverjum þú ferð á stefnumót, hverjum þú giftist og hverju þú trúir að þú getir afrekað.“
HELENA EYJÓLFSDÓTTIR (84)
Helena Eyjólfsdóttir söngkona á Akureyrir er afmælisbarn dagsins (84). Hörðu Eydal sonur hennar sendir henni fallega afmæliskveðju:
„Elsku hjartans besta móðir okkar á afmæli í dag. Þessi síbrosandi, jákvæða, yndislega kona sem hefur farið brosandi gegnum lífið með jákvæðni og fallega brosi hefur heillað alla. Ætíð hefur mamma stutt mig í blíðu jafnt sem stríðu. Þó eingöngu í blíðu undanfarinn 20 ár. Við mæðgin höfum ætíð verið mjög náin. Það er mér ómetanlegt og mömmu vonandi einnig. Innilega til hamingju með daginn þinn í dag elsku besta mamma mín. Við sjáumst í kvöld. Þinn ávallt sonur – ég elska þig endalaust hjartans móðir mín.“
FRÆGIR Á FÖSTUDEGI
Stefán Eiríksson útvarpsstjóri Ríkisins
sótti björg í bú í Hagkaupum á Eiðisgranda
á meðan Illugi Jökulsson rithöfundur
skolaði af sér hversdagrykið í Vesturbæjarlaug
og Sigurgísli Bjarnaon veitingamaður á Nings og Hilmar í Morkinskinnu
vættu kverkarnar á Kaldabar
eins og Björn Jörundur og Mörður Árnason á Forréttabarnum
á meðan hjörð menningarvita streymdi út úr Listasafni Reykjavíkur í Tryggvagötu
og teppti alla bílaumferð á meðan stóð.
BRESKUR AUÐMAÐUR FLÝR UNDAN SKATTAHÆKKUNUM TIL DUBAI
Hermann Guðmundsson athafnamaður og forstjóri Kemi bendir á að Bretar hafi ákveðið að hækka skatta á stóreignafólk sérstaklega í boði Rachel Reeves fjármálaráðherra eins og hann orðar það:
„Einn mjög efnaður Breti flutti umsvifalaust til Dubai til að komast undan þessum hækkuðu sköttum. Hann hafði verið að greiða jafnháa skatta og allir íbúar Leicester borgar í Bretlandi samanlagt. Skattstofninn fór og hinir borga meira.“
VALLI (74)
Valgeir Guðjónsson tónlistarmaður, jafnvígur á stuð, ballöður og texta, er afmælisbarn dagsins (74). Hér er hann í góðum félagsskap á Eurovision 1987 fyrir hönd íslensku þjóðarinnar.
38 LUNDABÚÐIR Á LAUGAVEGI
Tíðindamaður skifar:
–
Tíðindamaður gekk niður Laugaveginn frá Snorrabraut að Lækjargötu og taldi verslanir sem alfarið höfða til ferðamanna. Flestar eru lundabúðirnar sem selja alls konar minjagripi og þar á eftir koma lopapeysu- og útivistarbúðir sem alfarið gera út á ferðamenn.
Þær reyndust 38 talsins.
POWER TO THE PEOPLE (55)
Á þessum degi fyrir 55 árum hljóðrituðu John Lennon og Yoko Ono „Power To The People“ í heimastúdíói sínu í Tittenhurst Park.
FLEIRI TREYSTA BANKAKERFINU EN BORGARSTJÓRN
„Ég býð mig fram vegna þess að ég tel mig geta leitt Samfylkinguna til sigurs í vor. Það er ekki flóknara en það. Ef ég tryði þessu ekki sjálfur, hefði ég ekki boðið mig fram,“ segir Pétur Marteinsson í hugleiðingu dagsins:
–
„Traust almennings til borgarstjórnar mælist miklu minna en til annarra stofnanna samfélagsins. Fleiri treysta bankakerfinu heldur en borgarstjórn.“
