„Þegar við kom heim frá Spáni um daginn tókum við Hreyfils leigubíl með gula merkinu í framrúðunni,“ segir Örn Garðarsson, áður landsþekktur veitingamaður sem rak meðal annars Brasseeri Borg, Kaffi Reykjavík og Skuggabarinn. Og svo hófst aksturinn:
„Drengurinn sem ók kom vel fyrir og er að læra íslensku „talar bara pínu lítið“. Þegar við vorum lögð af stað hringdi síminn hjá bílstjóranum og tók ég þá eftir að skjámyndin símanum var önnur leigubílastöð sem er einnig merkt þarna við flugstöðina. Fór ég að skoða mig um í bílnum og sá hvergi neinar Hreyfils tilkynningar nema þessa sem var í glugganum. Fannst mér það mjög einkennilegt. Greiddum við með korti. Nokkrum dögum seinna ákvað ég að hafa sambandi við vin minn sem er leigubísltrjóri hjá Hreyfli og kannað þetta, sendi ég honum skjáskot af kvittuninni. Kauði var hvergi skráður hjá Hreyfli. Hafði áður heyrt að einhver er að framleiða þessi spjöld og selja aðilum sem þurfa ekki að gera grein fyri sér.“
