Inga Sæland, mennta- og barnamálaráðherra, hefur skipað Helgu Jóhannsdóttur í embætti rektors Menntaskólans við Hamrahlíð til fimm ára frá 1. ágúst næstkomandi. Helga er fyrsta konan sem skipuð er rektor við MH en fyrirrennarar hennar frá stofnun skólans eru fimm karlmenn
Helga hefur starfað við skólann í yfir 30 ár sem kennari, konrektor og sem settur rektor.
Helga er með B.S. gráðu frá Háskóla Íslands í tölvunarfræði auk kennsluréttinda frá sama skóla. Hún er einnig með diplómu í stærðfræði fyrir stærðfræðikennara og diplómu í verkefnastjórnun og leiðtogaþjálfun.
Alls sóttu fimm um embættið.
