„Ég hef gert heiðarlegar tilraunir til að stunda þá gagnslausu iðju að dvelja í núinu, aðallega undir leiðsögn Eckhart Tolle og Sam Harris. Engin fortíð, engin framtíð – bara núið,“ segir kvikmyndaleikstjórinn Dagur Kári en það gengur nú svona og svona í núinu:

„Svo varð mér á að gúgla hvers virði þessir auðmenn andans eru í beinhörðum peningum og kemur í ljós að við erum að tala um $70 milljónir annars vegar $12 milljónir hins vegar. Alveg er ég viss um að mér gengi betur í þessari núvitundarviðleitni vitandi af slíkum innistæðum á bankabókinni.“

Brynjar Níelsson lögfræðingur og fyrrum alþingismaður hæðist á óvenju rætin hátt að veikindum Guðmundar Inga Kristinssonar fyrrum menntamálaráðherra á samfélagsmiðlum í dag:

„Á nýju ári hefur margt merkilegt og undarlegt gerst tengt stjórnmálum. Fyrrum menntamálaráðherra fór í hjartalokuaðgerð sem varð til þess að hann þurfti ekki að nota hækjur lengur eftir að hafa þurft að skakklappast með þær árum saman. Þetta mun vera mesta kraftaverk sögunnar síðan Jesús reisti Lazarus upp frá dauðum. Ég vildi gjarnan hitta þennan lækni og athuga hvort að hægt væri að fá náttúruna aftur með svona aðgerð.“

Tískan er ekki bundinn við ákveðinn tíma þó það felist í nafninu. Tískan endurtekur sig í sífellu, fer í hringi eins lífið og landamærastríð manna. Það eru 50 ára á milli myndanna, kjóllinn kominn aftur – í tísku.