„Ég fékk spurningu frá frábærum blaðamanni í gær sem hljóðaði svo: – Ég skil ekki alveg af hverju þú ert svona harkalegur í garð BÍ sérstaklega,” segir fjölmiðlamaðurinn Þórhallur Gunnarsson sem gangnrýnt hefur ríkisstyrki fjölmiðlaráðherra sem renna að mestu til eigenda stærstu fjölmiðlanna:
–
„Blaðamannafélagið fagnar þessu útspili Loga Einarssonar og allir félagsmenn eru ánægðir samkvæmt formanni félagsins. Ég hef gagnrýnt þetta fyrirkomulag og tel það ekki styðja við blaðamenn heldur eigendur stórra fjölmiðla. Blaðamannafélagið hefur hins vegar leitt þessa baráttu og er sátt. Nú ætla ég að hætta að blanda mér frekar í mál blaðamanna og blaðamannafélagsins. Það gleður mig að blaðamenn séu ánægðir,“ segir Þórhallur og lætur þar við sitja.
