„Heilt bretti af Tælandi í flösku röltandi framhjá mér í morgunsárið. Það er að birta til,“ segir Ingvi Már rakari á Hárhorninu á Hlemmi sem lagði frá sér skærin um stund og fór út í glugga.
Það er Tómas Boonchang veitingamaður og eigandi hinna vinsælu Ban Thai og Nana Thai ofar í götunni sem stendur í þessum bjórflutningum frá heimalandi sínu – Singha heitir bjórinn.
Matreiðslubækur Nönnu Rögnvaldsdóttur eru á heimsmælikvarða, hlaupa á tugum og hafa selst í yfir 100.000 eintökum.
Forseti Íslands opnar sýningu Kristjáns Maack ljósmyndara í Ljósmyndasafni Reykjavíkur laugardaginn 17. janúar. Heiða Björg borgarstjóri verður einnig á staðnum og býður forsetann og gesti velkomna. Sofandi risar heitir sýningin:
–
Sofandi risar fjalla um hina örlagaríku tíma sem við lifum á.
Í náttúrunni búa sofandi risar sem smátt og smátt eru að vakna til lífsins. Djúpt í iðrum náttúrunnar stendur tíminn kyrr svo árþúsundum saman og varðveitir þar tímann og kjarnann í náttúrunni.
–
Um þúsaldir geymist vatnið og súrefnið og allar öreindir landsins á hinum fullkomna stað, undir þungu fargi sjálfs síns til þess að varðveita upprunann. Í myrkrinu og kuldanum varðveitist kjarninn best, tíminn hefur stöðvast í milljónir ára og bíður þess sem verða vill. Massinn og fargið hefur áhrif á allt í kringum sig, nærir og kæfir allt umhverfið sitt með eiginleikum sínum.
–
Íslenskir jöklar eru að hverfa. Ef skyggnst er innst inn í kjarna jökuls þá má þar finna allt sem var, andrúmsloft, vatn, ryk, flóru, og allar hinar minnstu öreindir alheimsins.
Þetta er allt geymt í frystigeymslu náttúrunnar.
„In Iceland, I love: Hvammsvík,“ segir kvikmyndastjarnan Jodie Foster í Wall Street Journal.
Meistarakokkurinn Jamie Oliver er hættur að panta heimsendar pizzur eftir að hann smurði nokkrar brauðsneiðar með tilheyrandi og setti í airfryer:
„Þær reyndust svo góðar að ég trúði ekki að ég hefði gert þær,“ segir hann.
Henný Hermanns sem kjörin var Miss Young International í Japan 1970 er 74 ára í dag. Í ævisögu hennar sem Margrét Blöndal skáði rifjar Henny upp fyrsta vangadansinn á balli í Breiðagerðisskóla þegar hún var tólf ára:
„Það tilheyrði að vanga á þessu balli. Og það lá mikil eftirvænting í loftinu. Við vissum að þetta var eitthvað sem tilheyrði. Þetta höfðu stóru krakkarnir gert árin á undan og nú var komið að okkur.“
Stóra spurningin var auðvitað: Hver vangar við hvern? Hver fær fyrsta vangadansinn? Ljósin voru dempuð og rólega lagið — þetta eina — fór að hljóma. Henny og dansfélaginn færð sig nær hvort öðru og Paul byrjaði að syngja: „These were bells on a hill“ og bæði tóku undir “till there was you“.
„Man ég hver hann var? Já, auðvitað man ég það. Hann heitir Eiríkur Jónsson og varð seinna frægur fjölmiðlamaður. Hann á fyrsta vangadansinn.“
Dorrit Moussaieff fyrrum forsetafrú á Bessastöðum er afmælisbarn dagsins (76). Hún kom eins og storsmveipur inn í íslenskt samfélag og vann hug og hjarta heillar þjóðar með framgöngu í erfiðu hlutverki sem seint verður leikið eftir. Til hamingju!
Nú er opið fyrir umsóknir um Námsstyrk Ellýjar Katrínar, árlegan námsstyrk sem veittur er til meistaranema í umhverfis- og loftslagsmálum.
Styrkurinn er veittur til að styðja við vinnslu meistararitgerðar eða meistaraverkefnis og er ætlað að efla þekkingu á málefninu til framtíðar.
Námsstyrkurinn er kenndur við Ellý Katrínu Guðmundsdóttur, lögfræðing og fyrrverandi borgarritara hjá Reykjavíkurborg, sem var frumkvöðull á sviði umhverfis- og loftslagsmála. Hún leiddi samþættingu samgöngu- og umhverfismála og sinnti alþjóðastarfi borga í loftslagsmálum og leiddi í því samhengi verkefni sem opnuðu nýjar víddir fyrir borgina í umhverfismálum. Í kjölfarið setti Reykjavíkurborg fram sín fyrstu markmið til þess að draga úr útblæstri gróðurhúsalofttegunda.
Umsóknarfrestur er til 30. apríl 2026 og verður úthlutun tilkynnt þann 15. september, á fæðingardegi Ellýjar Katrínar. Styrkurinn er að hámarki 500.000 krónur og í forgangi við úthlutun eru verkefni sem tengjast Reykjavíkurborg eða sveitarfélögum almennt.
Heilsa ehf., að höfðu samráði við Heilbrigðiseftirlit Reykjavíkur, hefur stöðvað sölu og innkallað frá neytendum fæðubótarefnið Barnavít, vörumerki Guli miðinn: Ráðlagður daglegur neysluskammtur inniheldur of mikið af A-vítamíni.
Gunnar Smári Egilsson samfélagsstjarna er 65 ára í dag. Han fær óskalagið People Are Strange.
eirikurjonsson.is - fréttir fyrir fólk
© 2024 Eiríkur Jónsson