Ingvi Már Sigríðarson rakari á Hárhorninu á Hlemmi hefur sett upp skilti sem blasir við þeim sem í stólinn setjast. Þar tilkynnir hann að klippingin sé þúsund krónum dýrari angi viðskiptavinir af tóbaksreyk.
„Ég var orðinn þreyttur á því að fá kúnna hér inn sem spurðu hvort það væri einhver bið. Ef ekki þá fórum þeir út á tröppur og reyktu og skelltu sér síðan í stólinn angandi eins og öskubakki,“ segir Ingvi Már ánægður með árangurinn. Þetta svínvirkar.
