“Baldur og Felix verða á Sauðárkróki” heyrðist í útvarpsauglýsingu. Eru þeir báðir í framboði ? Er þetta svona tilboð, “tveir fyrir einn?“ spyr Ragnar Önundarson með réttu.
DR. GUNNI OG KATA JAK
„Því miður held ég að Kata verði næsti forseti. Alveg sama hversu marga Facebook statusa fólk býr til,“ segir Dr. Gunni og rýnir í spilin:
„Það er einhver fasti á bakvið hana og alltof margir aðrir í boði svo atkvæðin smyrjast þunnt yfir línuna. Eina vitið væri að hafa þetta eins og í biskupskjörinu og eiginlega fáránlegt að þar séu 2 umferðir en ekki í forsetann. Svo þú getur bara tekið Bubba á þetta og byrjað að smjaðra fyrir henni strax.“
ANTHONY QUINN (109)
Stóleikarinn Anthony Quinn, fæddur í Mexíkó en varð síðar bandarískur, hefði orðið 109 ára í dag. Quinn er þekktastur fyrir Óskarsverðlaunamyndir sína Viva Zapata! og Lust for Life þó hann væri alls ekki síðri í Grikkjanum Zorba og The Guns of Navarone. Hann var einnig handlaginn og listfengur og hélt sýningar á verkum sínum auk þess að skrifa tvær endurminningabækur.
MEGAS Í KRINGLUNNI
„Hitti Megas og Möggu í dag, í Kringlunni af öllum stöðum. Vorum hissa en glöð og það áttu sér stað fagnaðarfundir,“ segir Einar Þór Jónsson fyrrum formaður Samtakanna ’78 en Megas hefur dvalið á Grund að undanförnu.
„Við þrjú erum þakklát og nokkuð ánægð með að vera lifandi…það er þó nokkuð, ekki satt? p.s tvær sýniningar eru eftir af mynd Spessa um Megas í Bíó Paradís. Mánudag og miðvikudag.“
FISKIKÓNGURINN ALLTAF SKREFI Á UNDAN
Fiskikóngurinn á Sogavegi sér tækifæri í hverju horni – alltaf skrefi á undan öðrum.
Hér birtist frétt um um fiskbúð á Sundlaugavegi 12 sem hefur verið lokuð um skeið án skýringa nema hvað að LOKAÐ stendur á límdum miða innan frá. Þá mætir Fiskikóngurinn og límir annan miða á hurðina utan frá og segir að nægan fisk sé að fá á á Sogaveginum hjá sér. Og þá liggur leiðina þangað.
STYTTA SÉR LEIÐ Í LEIFSSTÖÐ
Rétt áður en komið er að síðasta hringtorginu á leið í Leifsstöð er kominn malbikaður göngustígur sem stytti leið gangandi túrista á flugvöllinn. Gallinn er sá að göngustígurinn endar á miðjum akveginum eftir hringtorgið og og þá er helmingurinn eftir.
Þessir tveir túristar börðust áfram í beljandi rigningu og keflvísku roki með töskur sínar og sáu til flugvallarins eins og þyrstir menn í eyðimörk sem sjá allt í einu pálmatré og vatnsból handan hornsins. En þau enduðu upp á hraðbrautinni miðri aftur.
BÆ, BÆ VETUR
„Með þessum skilum og þessu hlýja lofti sem fer yfir landið á morgun, þetta eru ákveðin straumhvörf í veðrinu og við getum alveg sagt bless við veturinn,“ sagði Einar Sveinbjörnsson veðurfræðingur í útvarpinu í morgun og þá stukku allir á fætur.
ÞÓR FREYSSON (62)
Þór Freysson uppstökustjóri og framleiðandi hjá Trabant ehf. er afmælisbarn dagsins (62) – maðurinn á bak við margt af því nýja efni sem sjónvarpsstöðar landsins sýna.
Hann er flinkur á bakvið myndavélina líkt og þegar hann lék á gítar með Baraflokknum norður á Akureyri (1981-1984). Þægileg nærvera hans hjálpar til þegar hann er óhræddur við að leiðbeina gestum í beinni úrsendingu hvernig þeir eiga að haga sér því flestir hafa ekki hugmynd um það þegar þeir mæta!
BUBBADEILUR Á FACEBOOK
„Ég sá Bubba Morthens syngja og spila í Borgarleikhúsinu í gærkvöldi. Hann var algjörlega frábær!…6 stjörnur af 5 mögulegum. Vá vá vá!“ segir Ólafur Páll Gunnarsson lengi kenndur við Rokkland á Rás 2.
Fjöldi lækar og kommenterar. En svo kemur Árni Sveinsson kvikmyndagerðarmaður, menntaður í Harvard, úr allt annarri átt:
Bubbi Morthens – Þú ert auðitað geimsteinn. En um leið gjörsamlega delusional. Manneskja sem kemur íhaldinu til valda, þjónar þeim í sjö ár og svo köttar hausinn af skömminni með því að…. Wake tfku! Síðasta góða platan þín kom út 1992.“
BÖRNIN FRÁ GAZA Í REYKJAVÍK
Komið verður á fót skóla- og fjölskyldumiðstöð fyrir börn á leikskóla-, grunnskóla- og framhaldsskólaaldri í kjölfar fjölskyldusameiningar fólks frá Palestínu. Þetta var samþykkt í borgarráði í dag og stefnt er að formlegri opnun mánudaginn 22.apríl.
Í síðasta mánuði komu 35 börn frá Gaza í Palestínu til Reykjavíkur á grundvelli fjölskyldusameiningar og eru þau komin í þjónustu velferðarsviðs á forsendum samræmdrar móttöku flóttafólks. Í þessum hópi eru 15 börn á leikskólaaldri, 19 á grunnskólaaldri og eitt barn á framhaldsskólaaldri. Það liggur fyrir að það muni aukast í þessum hópi á næstu vikum.
Skóla- og fjölskyldumiðstöðin verður opin virka daga frá kl. 8.30- 13.00 og verður áhersla lögð á eftirfarandi:
–
· Vettvang fyrir samveru fjölskyldna.
· Samfélagsfræðslu.
· Mat á náms- og félagslegri stöðu barna.
· Kynningu á leikskóla-, grunnskóla- og frístundastarfi, meðal annars með vettvangsheimsóknum.
· Latneska leturgerð.
· Grunnorðaforða í íslensku.
· Undirbúning fyrir leik- og grunnskólagöngu.
· Undirbúning fyrir foreldra í skólafærni.
Verkefnið er fjármagnað að hluta úr ramma skóla- og frístundasviðs en þörf er á viðbótarfjármagni upp á 13,1 milljón króna og verður sótt um styrk frá mennta- og barnamálaráðuneytinu til að mæta þeim viðbótarkostnaði.
