„Það vantar 80’s og 90’s litaskima inn í líf íslenskra barna,“ Theódóra Björk Guðjónsdóttir móðir lítils drengs sem er að stækka:
„Alltof mikið um útifatnað sem er á litinn eins og mold og malbik. Þetta snýst um öryggi og sýnileika ekki síður en smekk, ég vil síður týna syni mínum í borgarlandslaginu.“
„Skrifaði að þessu sinni í Bokmagasinet / Klassekampen um einn af vinsælustu og mest þýddu höfundum Noregs á millistríðsárunum, sem nú er þeim með öllu gleymdur: Kristmann Guðmundsson,“ segir Halldór Guðmundsson bókmenntafræðingur og fær heldur betur viðbrögð hjá Kristjáni B. Jónassyni fyrrum bókaútgefanda.
–
„Ég tók mig til sumarið 2022 og las allar endurminningabækur Kristmanns og held að það sé einn áhrifamesti texti sem ég hef lesið á undanförnum árum. Skrifaðar af gríðarlegum þrótti, fullar af mótsagnakenndum og jafnvel ofsafullum tilfinningum. Heimsmaður sem ferðast um Evrópu á rauðum sportbíl eitt sumar, flýgur til Parísar í skítaveðri til að fara í partí og er næstum dauður á leiðinni, siglir um Óslóarfjörð á spíttbátum og heldur við fegurðardrottningar og húsmæður á víxl. En er svo allt í einu orðinn hænsnabóndi við Elliðaár og er þá stoltastur yfir hvað hann fær mörg egg á dag til að selja setuliðinu. Giftist svo jógadísinni og píanóleikaranum Steinunni Briem sem síðar þýddi Múmínálfanna, eftir að hafa tekið við henni eftir að reynt hafði verið að byrla henni ólyfjan og ræna af indverskum bandíttum í Róm. Það á að gera sjónvarpsþáttröð byggða á ævi hans.“
„Skósmiður fékk bátinn en prentari bílinn“ var fyrirsögn stuttrar fréttar í Tímanum 11. janúar 1956.
Daginn áður höfðu vélbáturinn Kofra-tindur og Chevrolet fólksbíll verið í vinning í Happdrætti DAS. Báturinn kom á miða Ólafs Jakobssonar skósmiðs á Ísafirði en fólksbílinn fékk Kjartan Ólafsson prentari í Reykjavík.
Kúrekahetja hvíta tjaldsins, John Wayne (1917-1979), er afmælisbarn helgarinnar, hefði orið 107 ára. Hann lék í 142 kvikmyndum á ferlinum sem spannaði hálfa öld – myndir sem allir fóru að sjá. Honum tókst að verða táknmynd hins eina sanna Ameríkana í huga heillar þjóðar. Og hann tók stundum lagið og þá helst á hestabaki
Þetta er ekki búið fyrr en þetta er búið. Athyglisverð frétt á lokametrum forsetakosninganna 1980.
Nóbelsverðlaunahafinn og þjóðskáld USA er afmælisbarn dagsins, Bob Dylan (83). Hann drekkur morgunkaffi eins og aðrir.
„Ég snæddi einu sinni hádegismat í heimahúsi í Camden Town, London, með Arthur Miller. Ég sat við hliðina á homum og við borðuðum pasta með trufflusveppum sem sameiginlegir vinir okkar höfðu tínt dagana áður á Ítalíu“ segir Jessica Martin.
„Arthur var ljúfur og skemmtilegur og hógvær. Það lá auðvitað beinast við að hlusta vel á það sem þessi stórkostlegi listamaður, einn af stærstu höfundum 20. aldarinnar, léti út úr sér, en ég man að ég greip sjálfan mig í að hætta stundum augnablik að hlusta á viskuna sem flóði út úr Arthur og glápa þess í stað á stórar og freknóttar hendurnar á honum og hugsa, „þessar hendur hafa snert Marilyn Monroe“.
„Fulltrúar Guðsríkis voru í Skálholti um síðustu helgi hjá Kristjáni Björnssyni vígslubiskupi, sem er á myndinni manna dökkrauðastur, segir Hertbert Guðmundsson fyrrum ritstjóri með mörgu öðru.
„Hann vígði tvo nýja presta og tvo nýja djákna, bara á einu bretti. Kristján hafði mesta ánægju af því að tóna á latínu í athöfninni, enda skildu æðri máttarvöldin ekkert annað tungumál. Ekki fylgdi sögunni hvað öll þessi borðalegging átti að merkja. En hönnuðurinn fær 10 og kertapakka árlega til æviloka.“
eirikurjonsson.is - fréttir fyrir fólk
© 2024 Eiríkur Jónsson
