Ekki trúa öllu sem þú sérð á samfélagsmiðlum. Þar eru grínistar á hverju strái.
LILLI ÚRILLI OG HANS HÁTIGN FÍFLIÐ
Ævisaga Andrésar prins, sonar Elísabetar II og Filippusar drottningarmanns eftir Andrew Lownie, er væntanleg á markað hinn 14. ágúst nk. Bókin ber titilinn “The Rise and Fall of the House of York” og er sögð síðasti naglinn í líkistu Andrésar sem á sér ekki viðreisnar von. Sá persónuleiki sem sýndur er í bókinni er hrokafullur og sjálfmiðaður. Þá virðist prinsinn, sem gegnir engum konunglegum skyldum lengur, vera í afneitun vegna tengsal sinna við kynferðisglæpamanninn Jeffrey Epstein.
Bókin er uppfull af hneykslissögum um peningaóráðsíu og kynlíf sem hafa valdið bresku konungsfjölskyldunni margvíslegum erfiðleikum. Bókin staðfestir allar sögusagnir um Andrés og gott betur. Sú samlíking er notuð að hún bindi grjóthnullunga um fætur hans og hendi honum út dýpstu mið.
–
Höfundurinn hefur legið í rannsóknum á líferni Andrésar sl. fjögur ár. Nýlega birtist umfjöllun í New York Times þar sem er birt afrit af bréfi Woody Allens sem einnig hefur verið ásakaður um kynferðislega misnotkun en þar staðfestir leikstjórinn að Andrés prins hafi verið gestur í kvöldverðum á glæsiheimili Epsteins á Manhattan í New York. Sagt er frá því hvernig prinsinn fór í skyndi megrúnarkúra þegar hann var að hitta yngri konur. Kúrarnir samanstóðum af steinlausum sveskjum í morgunmat, hráu grænmeti í hádeginu og súpum á kvöldin. Hvorki prinsinn né fyrrum eiginkona hans, Fergie, fá háa einkunn fyrir námshæfileika á sínum yngri árum. Nú um stundir er prinsinn sagður verja tíma sínum í golf, reiðtúra og sjónvarpsgláp. Kvikmyndin um hinn hæfileikaríka herra Ripley er í uppáhaldi hjá honum.
Einhverjar góðar hliðar á maðurinn en þær eru yfirskyggðar af sögum um ruddaskap og lélega dómgreind. Hann kom illa fram við þjónustufólk, móðgaði og talaði niður til þess. Sendi hann verði út um allar koppagrundir til að leita að golfkúlum og einkaþotur voru leigðar eins og um leigubíla væri að ræða. Hann rak mann fyrir að vera með nælonbindi og annan fyrir að vera með bólu. Vandamál hans í lífinu eru sögð mega rekja til þess að hann er fremur illa gefinn, óöruggur og með lélega dómgreind. Hann hefur notið endalausra forréttinda en klúðrar öllu. Sem smábarn fékk hann viðurnefnið Lilli úrilli.
Í diplómatakreðsum er hann þekktur sem hans hátign fíflið.
–
Þá hefur peningagræðgi hans skaðað ímynd konungdæmisins. Hann hefur komið sér í margvísleg vandræði með því að eiga í viðskiptum við fjárglæframenn, einræðisherra og ekki síst hin frægu tengsl hans við Jeffrey Epstein. Þau samskipti eru rakin rúm fjörutíu ár aftur í tímann. Einhver líkti samskiptunum þeirra við að setja eiturslöngu inn í búr með mús en Epstein styrkti valdastöðu sína með því ná mönnum inn í netið sitt. Hann var t.d. með faldar myndavélar í svefnherbergjunum þar sem perrarnir höfðust við og engin smá nöfn eins og umheimurinn hefur nú fengið spurnir af.
Bill Clinton fór í 26 ferðir með Lolita Express einkaþotu Epsteins á karabísku eyjunni þar sem hann bauð valdamönnum afnot af ungum stúlkum. Þá eru myndir af Andrési prins með Melaníu Trump og Epstein í veislu á Mar-a-Lago setri Trumps í Flórída. Hin fræga ljósmynd af prinsinum með unglingsstúlkunni Virginu Giuffre og Ghislaine Maxvell er sögð tekin af Jeffrey Epstein. Sá síðastnefndi „fyrirfór sér“ í öryggisfangelsi 2019; Ghislaine sem setið hefur í fangelsi undanfarin ár hefur verið flutt í mun óöruggara fangelsi þegar fyrir liggur að nafn Bandaríkjaforseta er í dómsskjölum vegna Epsteins-málsins og Virgina ,,fyrirfór sér“ fyrr á þessu ári. Vangaveltur um allar hliðar þessa máls er að finna í bókinni.
–
Aumingja prinsinn fór illa út úr frægu sjónvarpsviðtali í BBC fyrir mörgum árum og ímynd hans ekki borið sitt barr eftir það. Allt þetta mál kemur illa út fyrir bresku konungsfjölskylduna og reyndar valdafólk víða um heim.
ANTONIO BANDERAS (65)
Vinsælasti spænsk-ameríski kvikmyndaleikari allra tíma, Antonio Banderas, er afmælisbarn helgarinnar (65). Fyrir utan að leika þykir hann slyngur viðskiptamaður og hefur unnið með snyrtivörurisanum Puig um árabil og verið andlit þess ilms sem þar er framleiddur.
EDITION Í REGNBOGALITUM
Edition lúxushótelið á hafnarbakkanum hjá Hörpu lýsir upp skilti sitt í regnbogalitum í tilefni af Gay Pride. Hótelstjórnin segir í tilkynningu:
„As Reykjavík lights up for Pride, so does our sign. In honour of the rainbow, its colours shine from our rooftop across the city, a glowing tribute to love, unity, and celebration. Here’s to a week filled with colour and connection.
VATNSLISTAVERK BLEYTIR UPP Í VEGFARENDUM Í HAFNARSTRÆTI
Vatnslistaverk við enda Hafnarstrætis í Reykjavík er ekki alveg að gera sig. Vatnsbuna sem stendur upp í loft og myndar síðan polla í göngugötunni. Vegfarendur geta orðið blautir í fæturnar og ættu helst að vera í gúmmískóm.
–
SAGAN ENDURTEKUR SIG Á STÖÐVARFIRÐI
Frétt um niðurgan íbúa á Stöðvarfirði sem birtist í DV fyrir rúmum 40 árum gengur nú aftur í Morgunblaðinu. Í báðum tilfellum má rekja pestina til mengunar í vatnsbóli staðarins.
„Hún er á undanhaldi, en við vorum samt að senda út tilkynningu þar sem við mælumst til þess að fólk sjóði vatn áfram, alla vega fram yfir helgi,“ segir Jóna Árný Þórðardóttir bæjarstjóri Fjarðabyggðar í Morgunblaðinu nú.
Frétt DV um sama vandamál fyrir áratugum var tilfinningaþrungnari í lýsingum héraðslæknisins sem sjálfur var á sjöunda degi í pestinni og líkti veikindunum við fæðingarhríðir.
STÖÐUMÆLIR NOTAÐUR SEM RUSLATUNNA
Einhver shefur ekki komist í tunnu og því skilið draslið sitt eftir við gjaldmæli Bílastæðasjóðs á horni Vesturgötu og Ægisgötu í 101 R.
Þar hefur það verið svö dögum skiptir, raðað undir mælinn líkt og jólagjafir undir jólatré. Vonandi verður það fjarlægt fyrir jól.
GAMALDAGS Í ÁRBÆ
Það verður hátíð í bæ á Árbæjrsafninu á sunnudaginn. Þá vaknar þorpið til lífsins á safninu og gestir fá að kynnast fjölbreyttum störfum og daglegu lífi í þorpum fyrri tíma.
Gestir munu e.t.v. geta fylgst með þvotti þvegnum á gamlan máta, sem og lyktað af nýbrenndum kaffibaunum. Þá mun harmonikkuleikur óma um þorpið.
Dillonshús Café verður opið og býður upp á ljúffengar veitingar í notalegu umhverfi.
