„Framkvæmdasjóður Ferðamannastaða hafnaði umsókn okkar vegna uppbyggingar salernisaðstöðu því almenningssalerni væri að finna í 20 kílómetra fjarlægð. Rúturnar stoppa samt ekki þar þannig að við erum fyrsta stopp frá Reykjavík og 25% gesta í spreng.
Svo miklum spreng að ótrúlega margir láta bara vaða á og við bílastæðið, sem er ekki lekkert,“ segir Tóti Stefánsson athafnamaður en um er að ræða bílastæði við Selaströndina við Ytri Tungu á Snæfellsnesi.

„Við erum ekki búin að safna í sjóð fyrir salernisaðstöðu og rekstri hennar, en eitthvað þurfti að gera. Við settum því upp huggulegasta kamar sem við fundum og erum núna að fylgjast með ágangi til að reikna út hversu öflug salernisaðstaðan, rotþróin, þrif og þjónusta þurfa að vera. Okkur sýnast þetta vera 5000 hlöss á mánuði yfir sumartímann – að minnsta kosti. Þá getum við reiknað Price per Poo. “

Borist hefur fréttaskeyti:

–

Ármann Reynisson hefur að vana að vitja leiði föður fólksins sins í Hólavallakirkjugarði við Suðurgötu í Reykjavík einn góðviðrisdag að sumarlagi. Í leiðinni spásserar hann um hinn friðsæla og fallega garð.

Nú í sumar mætti hann miðaldra manni í kirkjugarðinum sem kynnti sig sem Adam Briggs kvikmyndaframleiðanda frá Ástralíu sem kom til landsins þá um morguninn. Sá hinn ókunnugi spurði Ármann hver hann væri og fékk útskýringu og nafnspjald með heimasíðu sinni. Daginn eftir sendi Adam Ármanni tölvupóst með ósk um að leika ,,fuglaskoðara‘‘ í stuttmynd fyrir alþjóða markaðinn. Ármann sló til, ekki óvanur kvikmyndaleik – lék lögmann í glæpamyndinni ,,Allir litir hafsins‘‘ fyrir um tuttugu árum síðan.

Takan tók sinn tíma, fór fram 5. ágúst s.l. í slagviðri, rétt veður fyrir senuna, á göngubrúnni yfir Hringbraut gengt Norræna húsinu. Það sló heldur betur að Ármanni sem fékk hinn mesta hroll á ævinni og þurfti að fá sér portvínsstaup og leggjast undir feld um tíma til að hita sig upp og jafna sig.

,,Allt er þegar þrennt er.‘‘ Nú býður Ármann spenntur eftir því hvaða leikstjóri óskar eftir kröftum hans í þriðju kvikmyndina.

Gestum í Hellisheiðarvirkjun er boðið upp á kaffi í sérhönnum bollum sem eru í takt við túrbínurnar á staðnum. Kaffibollinn er til sölu og kostar 7.500 krónur – bollinn sjálfur, ekki kaffið.

Lögreglan var með vakt á horni Klapparstígs og Njálsgötu síðdegis í gær þegar fólk fór að týnast heim eftir Gleðigönguna. Enginn slapp í gegn, allir látnir blása af tveimur lögfreglukonum sem stóðu vaktina.

Klapparstígur hefur einnig verið nefndur Gleðigatan og er merktur því nafni í götunni miðri enda ein þekktasta bargata bæjarins með bjór, vín og kokteila í öðru hverju húsi. Það veit lögreglan og tékkar því reglulega á.

Donald Trump Bandaríkjaforseti hefur skipað Billy Long sendiherra á Íslandi. Billy er stækur stuðningsmaður forsetans og MAGA stefnu hans.

Skipan Billy Long í þessa sendiherrastöðu var eitthvað neyðarúrræði hjá Trump. Enda vissi Long ekki hvar Ísland var á heimskortinu fyrir þessa skipan né nokkuð annað um landið. En Trump hafði „neyðst“ til að reka Long úr embætti ríkisskattstjóra Bandaríkjanna vegna þess hversu vanhæfur hann var að gegna því, að mati Trump.