Sævar Karl opnar sýninguna Landslag á Mokka á Skólavörðustíg 14. águst og stendur sýningin til 1. október. Á sýningunni eru glæný blómstrandi landslagsmálverk unnin hér heima og í München þar sem Sævar Karl hefur verið búsettur um árabil ásamt eiginkonu sinni og stundað þar málaralist með góðum árangi. Málverkin eru kraftmikil, litrík og orkumikil og gerð af mikilli sköpunargleði og innblásin af blómlegum görðum þar sem hann málar af krafti.
Sævar Karl (f. 14. 8. 1947) hefur stundað myndlistarnám við ýmsa listaháskóla hérlendis í Þýskalandi og Austurríki. Hann hefur sýnt víða um heim m.a. í Þýskalandi, Frakklandi, Ítalíu og Englandi.
Sýningin er sölusýning, þeir sem hafa áhuga á að eignast verk hafi samband við Sævar í síma 897 4699 eða +49 89 53 88 67 63 og hjá starfsfólki Mokka.
