„Innan úr gömlum bókum detta stundum bíómiðar, lyfseðlar, peningar, hárlokkar og jafnvel … filmur,“ segir Bjarni Harðarson bóksali, útgefandi og fyrrum þingmaður Framsóknarflokksins:

„Þessar myndir voru á svarthvítum filmubút sem lá eftir á kassabotni eftir að flokkað hafði verið úr ótölulegu kassafjöld og enginn gat sagt hvaðan sá kassi kom. Getraunin sem er þessvegna – þekkir einhver þetta fallega miðaldra fólk sem pósar hér fyrir á að giska hálfri öld síðan.“

Úr ársfjórðungsritinu Hrepparíg.

–

Gvendur gamli smali er jafnan orðfár, en  hreytti út úr sér eftirfarandi vísukorni við lestur fréttaskeyta um óheyrilegan kostnað við útfarir sem getur hlaupið á milljónum:

Lúxemborg er fyrsta ríkið í Evrópu sem býður upp á ókeypis almenningasamgöngur með strætó, lestum og sporvögnum en flugvélar eru ekki innifaldar. Borgarlínur sem bragð er af.

Þann 18. ágúst fer árlega Kúmentínslan fram Í Viðey. Kúmenfræin í Viðey eru orðin fullþroskuð til að tína og gestum er boðið í fræðandi uppskeruferð. Björk Bjarnadóttir, umhverfisþjóðfræðingur leiðir tínsluna og segir gestum frá sögu kúmensins og fleiru sem tengist Viðey.

Upphaf kúmenræktunar má rekja til aftur til Skúla Magnúsar landfógeta sem hóf ýmsar ræktunartilraunir í Viðey upp úr miðri átjándu öld, þó með misjöfnum árangri. Viðeyjarkúmenið vex þar enn og þykir smærra og sætara en annað kúmen en það eru ekki allir sem vita að þetta litla fræ hefur þó nokkurn lækningamátt og ekki skemmir fyrir hversu bragðgott það er.

Gestir eru hvattir til að taka með sér taupoka, lítinn hníf eða skæri.