Hulda Hákon opnar sýningu í dag helgaða ísbjörnum, örnefnum í hafinu og ströndum Austurlands í sýningarsalnum Kontór á Hverfisgötu.

Bergsveinn Birgisson rithöfundur hefur þetta að segja um þessa, að margra mati, merkustu listakonu Íslands:

„…dýr og menn leita útávið í lágmyndum hennar líkt og þau vilji koma til okkar, tengjast okkur, þau eru á leið út úr verkum hennar og inn á gólf til okkar. Inndregnu lágmyndirnar, forn-egypsk tækni sem þessi íslenska listakona virðist nokkuð ein um að hafa náð fullkomnu valdi á.“

Stefán Haukur Jóhannesson sem tók við stöðu sendiherra Íslands í Brussel í byrjun ágúst, afhenti Philippe konungi Belgíu trúnaðarbréf sitt við hátíðlega athöfn miðvikudaginn 24. september. Með sendiherra í för voru þrír starfsmenn sendiráðsins.

„Hér er sjón sem maður sá aðeins í gamla daga eða fyrir svona tveimur, þremur áratugum síðan er íslenskir bændur liðinnar tíðar voru að flytja bagga eða hey á vagni eða vörubílum,“ segir Guðbjartur Walter H. Ólafsson:

„Áður fyrr var talað um að fólk í sveit ætti að kunna að gera baggahnúta sem ég held að sé að mestu liðin tíð og nú í dag sjáum við bara heyrúllur til borgar og sveita.“

Gunnar V. Andrésson flinkasti fréttaljósmyndari sinnar samtíðar er ánægður með myndabókina sem út er komin með úrvali verka hans og texta í stíl eftir gamlan vinnufélaga hans, Sigmund Erni Rúnarsson nú alþingismann.

Fréttamyndir GVA, en þannig merkti hann myndir sínar, voru teknar af svo mikilli tilfinningu fyrir augnablikinu að fréttirnar sem fylgdu skifuðu sig svo gott sem sjálfar. Hæfileikar GVA á þessu sviði eru vandfundir í sporgögumönnum hans í fréttaljósmyndun.

Spegill þjóðar heitir bókin of ber nafn með rentu.

Listasafn Íslands og Listasafn Reykjavíkur kynna með stolti fyrstu stóru yfirlitssýningu á Íslandi með verkum Steinu (fædd Steinunn Briem Bjarnadóttir), sem er einn helsti frumkvöðull vídeólistar og nýmiðlunar í heiminum. Steina hefur um áratugaskeið verið brautryðjandi og áhrifamikil í þróun samtímalistar og hefur með verkum sínum tengt saman vídeólist, tónlist og tækni á einstakan og skapandi hátt.

Steina hóf listferil sinn sem fiðluleikari í Reykjavík og Prag áður en hún flutti til New York árið 1965 með eiginmanni sínum, Woody Vasulka. Árið 1971 stofnuðu þau The Kitchen, goðsagnakenndan vettvang fyrir tilraunakennda tónlistar- og myndbandslist í New York. Frá þeim tíma hefur Steina sýnt víða um heim og verk hennar eru talin lykilverk í sögu vídeólistar.

Sýningin, sem ber heitið Tímaflakk/Playback, verður opnuð 4. október 2025 í báðum söfnum og stendur til 11. janúar 2026. Hún spannar allan listrænan feril Steinu, frá fyrstu verkum til nýrra, og gefur einstaka innsýn í þróun bæði listar og tækni undanfarna áratugi.