Egill enski skrifar:
–
Amerískur hreimur er mjög áberandi þegar Kristrún Frostadóttir forsætisráðherra mælir á enska tungu. Að mörgu leyti skiljanlegt, hún var í hagfræðinámi í Boston í fjögur ár, lauk mastersnámi við Yale háskóla 2016.
–
Aftur á móti er það frekar algengt meðal Íslendinga sem dvalið hafa í Bandaríkjunum, að ameríski hreimurinn hverfur smám saman og framburðu á ensku verður frekar hlutlaus. Ameríska nasahljóðið þykir enda ekkert sérstaklega fallegt. Kristrún rúllar semsé errinu upp með tungunni, dregur sérhljóðana ýmist sundur eða saman og ber t fram mjúkt eins og venja er vestan hafs.
–
Orðaforði Kristrúnar er samt mikið afbragð og hvað sem líður þoli fyrir amerískum framburði hjá öðrum en ameríkönum, þá er hún óneitanlega áheyrilegri en aðrir íslenskir ráðamenn þegar þeir þurfa að tala ensku.
