Forseti Íslands bauð hátt í sex hundruð manns í fjölmennt nýársboð á þrettándanum. Á boðslistanum voru ýmsir háttsettir embættismenn, fulltrúar hagsmuna- og íþróttasamtaka, trúfélaga, atvinnulífsins og menningarstofnana. Þó eru nokkur áberandi nöfn sem vantaði. Um þetta segir Óskar Magnússon rithöfundur, lögræðingur, bóndi í Fljótshlíð og stjórnarformaður Eimskips:

–

Fókus – félag áhugaljósmyndara tekur yfir sýningarrýmið SKOTIÐ í Ljósmyndasafni Reykjavíkur árið 2026.

Á árinu verða settar upp sjö ólíkar sýningar sem 46 félagsmenn taka þátt í undir stjórn sýningarnefndar félagsins og nefnist sýningarröðin „Skotið í FÓKUS 2026“.

Þann 9. janúar kl. 16.00 opnar fyrsta sýningin og nefnist hún „Hreyfing“. Orðið „hreyfing“ má túlka í ljósmynd á mismunandi vegu, til dæmis með því að frysta hreyfingu í mynd, fylgja hreyfingu eftir með myndavélinni, eða taka myndir af ýmsum „hreyfingum“ samfélagsins, svo sem verkalýðshreyfingu eða mótmælahreyfingu.

Sýnendur eru:

Dagþór Haraldsson   

Geir Gunnlaugsson

Ósk Ebenesersdóttir

Ólafur Magnús Håkansson

Sveinn Aðalsteinsson

Þorsteinn Friðriksson

Fókus er félag áhugaljósmyndara á höfuðborgarsvæðinu sem stofnað var árið 1999. Það er frábær vettvangur fyrir fólk sem vill þróa ljósmyndafærni sína og hæfileika.

Pétur Már Ólafsson bókaútgefandi er hugmyndaríkur jafnt í útgáfu sinni sem og hrossahaldi. Hann gaf hestunum sínum jólatré og þau voru ánægð með. Sló tvær flugur í einu höggi.

Inga Sæland er ötull ráðherra og réttsýn þó sjónskert sé. Nú tilkynnir hún að 65 ára og eldri sleppa við árlega læknisskoðun til 75 ára til að halda ökuréttindum:

„Lengst af hefur eldra fólk verið skikkað í árlegar læknisskoðanir og endalaus vottorð til að halda ökuleyfi, oft án raunverulegs ávinnings. Nú er verið að breyta þessu, meðal annars með hliðsjón af því hvernig þessu er háttað í nágrannalöndunum.

Heilbrigði eldri borgara hefur stórbatnað og aldur einn og sér segir takmarkað um akstursgetu. Þess vegna verður lögð meiri áhersla á færni, heilsu og raunverulegar aðstæður.

Það er ekki um háa slysatíðni að ræða hjá fólki á aldrinum 65 til 75 ára. Hátt hlutfall slysa í umferðinni er frekar hjá yngri ökumönnum.

Þetta er skref í átt að mannlegra og nútímalegra kerfi. Minni skriffinnska, meiri virðing og einfaldara líf fyrir fólk.“