Danski þingmaðurinn Mike Fonseca er í kröppum dansi og pressaður af dönsku pressunni svo undir tekur fyrir að eiga 15 ára kærustu en sjálfur er þingmaðurinn 28 ára.

Þingmaðurinn, sem var fjölskylduvinur á heimili kærustunnar, segist hafa kynnst barninu þegar það var 10 ára en ekki átt í nánum samskiptum við stúlkuna fyrr en hún var 15 – en lögaldur er 18.

Fonseca var þingmaður Moderaterne (Hófsemdarflokksins) sem Lars Lökke Rasmussen fyrrum forsætisráðherra Danmerkur stofnaði þegar þegar hann klauf sig úr Venstre (gamli danski Framsóknarflokkurinn) vegna deilna um framtíðarsýn en þar hafði hann verið formaður.

Mike Foneseca hvarf úr þingflokknum vegna þessa og er nú í lausagöngu á danska þinginu með alla dönsku pressuna á hælunum – sjá hér.

Starfstúlka missti falskar tennur 91 árs gamallar hreyfihamlaðrar konu á hjúkrunarheimilinu Grund í síðustu viku. Lofað var að Grund borgaði skaðann. Viku seinna fóru aðstandendur að spyrja eftir tönnunum vegna þess að hin háaldraða kona gat varla matast né talað. Þá kom í ljós að hún átti sjálf að fara með þær til tannsmiðs. Tennurnar fundust brotnar inni í skáp.

Þessi mynd var tekin á Golden Globe hátíðinni skömmu áður en Laufey, eftirlæti þjóðarinnar, hlaut verðlaunin fyrir tónlist sína. Þarna er Íslandsvinurinn Jodie Foster ásamt eiginkonu sinni, Alexöndru Hedison, en þær hafa verið giftar síðan 2014. Alexandra er listakona, ljósmyndari, leikstjóri og leikkona.

„Skattborgarar hafa aldrei verið spurðir um afstöðu sína til mannúðar,“ segir Vilhjálmur Bjarnason fjárfestir og fyrrum alþingismaður í grein í Morgunblaðinu í dag og heldur áfram:

„Það hefur ekki hvarflað að nokkrum ráðamanni að áætla kostnað af mannúð. Fólk með mannúð segir að hælisleitendur fari strax að vinna. Kann að vera! En þá fylgir fjölskyldusameiningin.Hætt er við að einum ungum hælisleitanda í fylgi nokkrir fullorðnir, jafnvel aldraðir.”

Egill Helgason fjölmiðlamaður rís þá upp með andmæli:

„Einn stærsti blettur á samvisku þessarar þjóðar er að hafa ekki tekið á móti fleiri gyðingum á árunum fyrir stríð. Sumir stjórnmálamenn stóðu reyndar í því að hrekja burt þá sem hingað komust. Við hefðum getað tekið á móti miklu fleiri – bjargað fleiri mannslífum. Þetta var í miðri kreppunni. Veldur ennþá vanlíðan. Nú er ríkidæmi okkar margfalt miðað við það sem þá var – og miðað við flestar aðrar þjóðir.“

Brad Pitt vakti mikla athygli þegar hann mætti á Santa Barbara International Film Festival í gærkvöldi. Ekki bara vegna klæðnaðar en Brad var með hornspangargleraugu og klæddur í brúnt frá toppi til táar, heldur fékk orðrómur um meinta andlitslyftingu hans þarna byr undur báða vængi. Húðin aldrei sléttari þó sextíu ár séu að baki. Þeir áköfustu þóttust merkja ör við eyra sem er fylgifiskur anlitslyftinga. Sjá nánar hér.

Kom þá upp í hug viðstaddra hlutverk hans í kvikmyndinni um Benjamin Button sem eltist aftur á bak.