Svartur blettur / Black Spot heitir verkið sem Logi Bjarnason sýnir í höggmyndagarðinum á Nýlendugötu. Sýningin opnaði í dag og þarna verður svarti bletturinn / black spot fram í miðjan nóvember.

Höggmyndagrðurinn á Nýlendugötu er opin alla daga, allan sólarhringinn og heimsóknar virði. Þarna er og friður og gott að setjast niður.

–

Kristrún Frostadóttir forsætisráðherra er listelsk manneskja eins og sjá má í viðtölum sem tekin eru við hana á skrifstofu hennar í Stjórnarráðinu. Þar hefur hún skipt út flestum myndum á veggjum og nú síðast mátti sjá þessa – naktan baksvip af konu.

Hver er listamaðurinn? Hver er konan?

Sjá tengda frétt.

Stöðumælar voru fyrst settir upp í Reykjavík sumarið 1957 og var það á Laugavegi og í Bankastræti, en tilgangurinn var m.a. að afla peninga til að gera fleiri bílastæði.

Óttarr Proppé fyrrverandi heilbrigðisráðherra hefur orðið:

–

„Ég er elíta. Mér var einhvern tímann úthlutað heimilislækni. Í dag fann ég til krankleika og datt í hug að leita til læknis. Ég fór inn á Heilsuvera.is eins og kvatt er til, og fann þar flipa fyrir Tímabókun og var boðið upp á leghálsskimun, bæði í Reykjavík og á Mývatni, getnaðarvarnarráðgjöf og viðtöl við nokkra lækna en bara ekki minn.

Svo ég hringdi í heilsugæsluna og fékk samband. Þar var mér sagt að tímapantanir væru bara gerðar á heilsuveru, en ekki undir ‚Bóka tíma‘ heldur undir ‚skilaboð‘ og þar ætti ég að velja ‚eftirfylgd meðferðar‘ hvort sem um einhverja eftirfylgd væri að ræða eða ekki. Það er prýðisaðferð til að létta á álagi að koma í veg fyrir að sjúklingar séu að trufla kerfið. Ég loggaði mig strax út áður en skaði hlytist af.

Þá datt mér í hug að sjá hvort það væri ekki bara skilvirkast að láta grafa mig strax og fór inn á http://xn--kirkjugarar-xdb.is/ og fann þar t.d. eyðublað fyrir ‚beiðni um líkbrennslu‘ með tveimur klikkum. Þar get ég sett inn nafn, lögheimili og kennitölu og undir stendur „Kyrrð og kærleikur“. Þetta finnst mér almennilegt, aðgengilegt og meira að segja vinalegt. Enda er mikilvægt að fólki sé boðið auðvelt aðgengi að mikilvægri þjónustu.

Ég er byrjaður að fylla eyðublaðið út en er svo latur til slíks að ég er að farinn að spá í hvort ég eigi að harka bara af mér. Mér var reyndar einu sinni sagt að manni sé stundum hleypt inn á bráðamóttöku svo fremi maður sé hálfdauður, og að því tilskyldu að maður hafi beðið nógu lengi. Á það kannski inni ef mér skildi versna.“

„Ég var bara svo hneykslaður að ég trúði ekki að þeitta væri satt,“ segir Friðrik Brekkan, gamalreyndur leiðsögumaður staddur með hóp við Skógafoss:

„Erlend hjón slepptu þessu drasli út um glugga húsbíls síns og óku svo hratt í burtu af bílaplaninu við Skógafoss. Skil ekki svona lagað.“