Allir komnir með slæður um háls líkt og nýi forsetinn setti óvart upp í kosningabaráttunni. Slæðuæðið nær inn á Alþingi þar sem Tommi á Búllunni situr og segir:

„Í tilefni af kjöri Höllu Tómasdóttur í embætti forseta Íslands er þessi vika vika slæðunnar. Til Hamingu Halla!“

Sú var tíðin að bensínstöðvar voru mikilvægar við rekstur bíls – þar var olían mæld, skipt um perur og jafnvel viftureimar og starfsmenn á plani sífellt viðbúnir.

Nú er þesu endanlega lokið hjá Olís og olían er ekki lengur mæld á plani. Stendur þá lítið eftir nema eldsneyti í sjálfssala og sjoppan sjálf.

N1 stendur hins vegar enn í lappirnar og þjónustar kúnna sína á bensínstöðvum með sóma. Þar til annað kemur í ljós.

Tilkynning frá Veðurstofu Íslands:

–

Ef Katrín Jakobsdóttir hefði unnið forsetakosningarnar hefði orðið til fyrsta forsetasystkinapar þjóðarinnar því Ármann bróðir Katrínar er forseti Hins íslenska bókmennfélags líkt og Jón Sigurðsson forseti sem nú stendur sem stytta á Austurvelli, aldrei nefndur annað en Jón forseti þó hann væri aldrei forseti Íslands heldur Hins íslenska bókmenntafélags líkt og Ármann Jakobsson nú.

„Í dag fögnum við 10 ára brúðkaupsafmæli,“ segir forsetaframbjóðandinn Halla Hrund og lítur upp úr erli dagsins og hugsar til eiginmannsins, Kristjáns Freys Kristjánssonar:

„Ævintýrið okkar byrjaði í dansi á Þjóðhátíð og síðan þá höfum við tekið ófá danssporin saman, stofnað fjölskyldu, byggt upp heimili, ferðast um heiminn og farið saman í gegnum svo margt.

Ég er svo þakklát fyrir þessi tíu ár, fyrir þetta ævintýri sem við eigum saman. Kristján er frábær dansfélagi í gegnum lífið og ég er svo óendanlega þakklát að hafa minn besta vin og stelpurnar okkar tvær mér við hlið hvern dag.“