Húsmóðir í Vesturbænum keypti eggjabakka frá Stjörnueggjum, merkt lausagönguhænum, og varð furðu lostin þegar hún opnaði eggjabakkann; tvö eggjanna voru líkt og hömruð með gúmmíhamri en þó án þess að brotna.

Um var að ræða 12 eggja bakka þar sem öll önnur egg voru eðileg og hafa þau verið steikt. Skrýtnu eggin tvö eru geymd í ísskáp þar til annað kemur í ljós.

Forréttabarinn á Nýlendugötu í miðbæ Reykjavíkur tilkynnir:

„Keiluhöllin og Tuborg undirrituðu nýjan þriggja ára samning við Dr. Football að viðstöddu margmenni í glæsilegum 6 ára afmælisfögnuði hins rómaða hlaðvarps í Keiluhöllinni,“ segir Jóhannes Ásbjörnsson athafnamaður lengi kenndur við Simma og Jóa:

„Þessi samningur kórónar frábært samferðalag síðustu ára og eru frábærar fréttir fyrir aðdáendur Doktorsins sem hafa fyllt Sportbarinn í Keiluhöllinni mánaðarlega á Dr. Football Pub Quiz og munu gera áfram um ókomin ár.“

Á síðasta ári fengu 20 þúsund einstaklingar aðstoð frá velferðarsviði Reykjavíkurborgar. Í ársskýrslu sviðsins má meðal annars lesa að á árinu 2023:

• voru 32% notenda þjónustu velferðarsviðs börn
• voru 80% notenda heimahjúkrunar 67 ára og eldri
• fór hver notandi akstursþjónustu fyrir eldra fólk að meðaltali 43 ferðir á árinu
• bjuggu 515 einstaklingar í húsnæði fyrir fatlað fólk
• fengu 4.456 einstaklingar fjárhagsaðstoð frá Reykjavíkurborg
• var fólk sem fær þjónustu frá velferðarsviði 59 mismunandi ríkisföng
• var 120.071 máltíð send heim til fólks frá eldhúsinu á Vitatorgi
• tóku 624 einstaklingar þátt í virkni- og endurhæfingarúrræðum Virknihúss