„Nú veit ég ekki hvort ég sé á réttri síðu með erindi mitt. Ég bið afsökunar á að koma fram nafnlaus, en það er gert með vilja til að forðast spurningar fjölskyldunnar,“ segir kona sem á sér draum um Spánarblíðu á heimasíðuni „‘Íslendingar á Spáni Costa Blanca“ – og heldur áfram:
–
„Ég er 64 ára og hef haft þann draum að prófa að vera á Spáni í ca 2 mánuði til reynslu, áður en stærri ákvörðun verður tekin. Ég er að hugsa um sept og október 2026. Mér hefur verið bent á að byrja svona. Ég á íbúð heima en vil ekki leigja hana fyrr en ég er búin að kanna annað. Mig langar að vera í litlum rólegum bæ þar sem ég myndi mögulega reyna að byrja að læra smávegis í málinu. Ef einhverjir hér búa í rólegum litlum bæ, og eru ánægðir, viljið þið segja mér nöfnin á bænum og hvert þá best væri að leita eftir íbúð með tveim svefnherbergjum og jafnvel tveim baðherbergjum, ef ég fengi heimsókn. Ég er þá að meina flug til Alicante og bær einhversstaðar á þessu svæði.
Kærar þakkir og bestu kveðjur.“
