„Tökum ábyrgð hvert á öðru. Þannig vegnar Íslandi best. Þegar réttur og skylda fara hönd í hönd og allir leggja sitt af mörkum. Þetta er okkar hugmyndafræði: Það sem aðgreinir Samfylkingu og sósíaldemókrata frá öllum öðrum flokkum. Alltaf stolt. Alltaf jafnaðarfólk. Alltaf til þjónustu reiðubúin, fyrir fólkið í landinu.
–
Því saman erum við svo miklu meira en bara einstaklingar með eigin hagsmuni. Við erum samfélag. Eins og fjölskylda. Og við eigum eitthvað alveg sérstakt saman hérna á Íslandi, sem er dýrmætt. Sem okkur ber skylda til að vernda og varðveita, fyrir framtíðarkynslóðir.
–
Þess vegna býður Samfylkingin fram til Alþingis og sveitarstjórna: Við stöndum þétt með þjóðinni. Við tökum ábyrgð á Íslandi og við tökum ábyrgð á nærsamfélagi okkar, hringinn í kringum landið. Velkomin í Samfylkinguna.“
–
Úr ræðu Kristrúnar Frostadóttur á flokksstjórnarfundi Samfylkingarinnar í gær.
