Gísli Gislason lögræðingur, fyrrum pizzukóngur og rafbílakóngur er staddur í höfuðstað Grænlands, Nuuk.

Gísli er vanur að vera þar sem hlutirnir gerast og lét sig ekki muna um að heilsa upp á Kristján tíunda Danakonung sem einmitt er í Grænlandsheimsókn til að stappa stáli í þegna sína á óvissutímum sem nú eru.

Fór vel á með Gísla og Firiðriki tíunda.

Inga Bjarnason leikstjóri er að ljúka við bók sem væntanlega verður smellur í næsta jólabókaflóði. Bókin heitir Einfætta ballerínan og vísar titillinn í æskudraum hennar um að verða ballerína. Draumurinn rættist þar til annar fóturinn gaf sig og þá var það búið:

„Það dansar engin ballet á einum fæti,“ segir Inga sem sneri sér þá að leikstjórn með góðum árangri og varð virkur þátttakandi í íslensku menningarlífi þar sem hún þekkir hvern kima, átökin, flokkadrættina og leyndarmálin sem legið hafa í þagnargildi.

„Ýmsir eiga líklega eftir að snúa sér við í gröfinni og afkomendur reita kannski hár sitt en um þetta allt er sagan mín. Ætli ég verði ekki að flytja úr landi,“ segir Inga sem er ekkja eftir Leif Þórarinsson tónskáld.

Bókin kemur út hjá Benedikt bókaútgáfu og ristjóri hennar er Þorvaldur Kristinsson sem fer nú yfir handritið og slípar til.