Söngvarinn ástæli, Stefán Hilmarsson, fagnar sextugsafmæli sínu með tónleikum í Hörpu í sumar þar sem hann fleytir rjómann ofan af tónlistarstarfi sínu í 40 ár. Forsala miða hefst eftir helgi.

Frá fyrstu tíð hefur Stefán látið að sér kveða sem höfundur, einkum textasmiður. Hann er í hópi afkastamestu höfunda landsins síðustu áratugi og hafa á fjórða hundrað verk eftir hann verið hljóðrituð og gefin út. Auk þess að semja fyrir sig og sína, hefur Stefán samið fyrir fjölda þjóðþekktra flytjenda, svo sem Björgvin Halldórsson, Eyjólf Kristjánsson, Sigríði Beinteinsdóttur, Pál Rósinkrans, Bjarna Arason, Stjórnina, Hljóma, Í svörtum fötum, Írafár, Selmu Björnsdóttur, Friðrik Ómar, Margréti Eir og Regínu Ósk, svo einhverjir séu nefndir.

Hann var útnefndur heiðurslistamaður Kópavogs árið 2008 og bæjarlistamaður sama bæjarfélags áratug síðar. Fyrir liðlega áratug rann Stefáni blóðið til skyldunnar,  þegar hann var beðinn að taka sæti  skólanefnd Kvennaskólans og gegndi hann þar formennsku um skeið.

Meðfram tónlistarstörfum hefur Stefán starfað við ýmislegt, m.a. við þýðingar fyrir kvikmyndir og sjónvarp og við grafíska hönnun. Stefán er með BA-gráðu í stjórnmálafræði frá Háskóla Íslands, kvæntur Önnu Björk Birgisdóttur og eiga þau tvo syni, Birgi Stein (f. 1992) og Steingrím Dag (f. 2004). Árið 2023 bættist barnabarn í hópinn, Emanúel Dagur Birgisson.

Björn Þorfinnsson ritstjóri DV hefur ákveðið að láta af störfum eftir að afa stýrt fjölmiðlinum í fimm ár.

„Ég er að renna inn í síðustu vikuna,“ segir Björn sem kveður af fjölskylduástæðum:

„Það má orða það sem svo að þetta sé hluti af endurskipulagninu fjölskyldulífsins. Eiginkona mín er í kefjandi verkefni við að stofna fjármálafyrirtæki og þar þurfa allir að leggjast á eitt heima fyrir.“

Björn segist þó ekki vera hættur í fjölmiðlum, verkefnin verði bara minni og sértækari þegar fram líða stundir.

Vefverslunin Norva stekkur til í hálkutíð og bendir vegfarendum á að hagstæðara sé að kaupa nýja skó en leita læknis. Og sýna það svart á hvítu. 50% afsláttur núna.

„Færðu mér liti“ segir Eygló Harðardóttir myndlistarkona en samnefnd sýning hennar blaktir í vindi eins og þvottur á snúru og kallast á við snjóinn í Höggmyndagarðinum á Nýlendugötu. „Þetta er litríkt stefnumót við grámóðu og litleysu.“

Sýningin er unnin sérstaklega fyrir Höggmyndagarðinn. Verkið er innsetning þar sem skúlptúrískir eiginleikar málverksins eru kannaðir og stærðargráður þess ýktar. Verkin skapa eina heild og var handritið að sýningunni upphaflega þróað sem innsetning í smáum skala inní líkan af Höggmyndagarðinum. Lokaútkoman er trú skissukenndum eiginleikum smágerðra frummyndanna. Byggingarefni verkanna eru litir, tjalddúkar, timbur og kopar. Löngun í liti, leikur með skala og áhugi á almenningsrýmum borgarinnar eru stórir áhrifavaldar við gerð verkanna.

–

Lítið við – sýningunni lýkur 8. mars.

„Þessi mynd sem er niðri á Horni er af dauðanum með sprengjublómvönd. Hún er úr seríu síðan 1961 eftir Dag Sigurðarson skáld og myndlistarmann,“ segir Jakob Hörður Magnússon veitingamaður á Horninu í Hafnarstræti um áratugaskeið:

„Hún gæti vel átt við einmitt núna. Hittumst á Horninu.“