„Ljóð eftir Jónatan Hermannsson, eitt helsta skáld okkar daga,“ segir Hallgrímur Helgason, einn helsti rithöfundur okkar daga:
–
leita að hugsunum
hélt lengi
að hugsanir byggju í bókum
eru þar líklega
en einnig svo margt annað
orðavaðall
marklítil samtöl
ætluð til að fylla síður
seint finnast þær hugsanir
er ég sakna
með hverjum degi
fækkar þeim bókum
sem ég mun geta lesið
bækur leita sinna
var einu sinni sagt
ég bíð þeirra
meðan myrkrið
víkur hægt undan komandi degi
ég bíð eftir bók bóka
–
„Á hverjum degi hittir þessi öldungur í mark og virðist búa við eilífa heiðríkju. Andinn er stöðugt yfir honum eins og hæð yfir Grænlandi. Og getum við fésvinir hans alltaf treyst því að fá gott og nýort ljóð með morgunkaffinu. Nú spyr ég: Ætlar enginn útgefandi að grípa þessa gullnu gæs og færa okkur Fésbókarljóðin hans Jónatans á prenti?“
