Miðaldadagar verða haldnir á Gásum 19. – 20. júlí. Enginn aðgangseyrir en kaupmenn selja varning.
Gásir er einn af merkustu minjastöðum á Norðurlandi enda best varðveitti miðaldakaupstaður hér á landi. Gásir er einstakur sögustaður sem er víða getið í rituðum heimildum og er sú elsta frá 1162. Á Gásum var verslað, unnið var að handverki og iðnaði. Hugsanlegt er að verslun á Gásum hafi staðið allt þar til verslun hófst á Akureyri um 1550.
Dagskrá:
- 12.00: Söguganga um forna verslunarstaðinn
- 12.45: Kynning á gerð bókfells fyrir handritagerð
- 13.30: Gásverjar bregða á leik
- 14.00: Vopn og vígamenn – fræðsla um vopn og bardagalist miðalda
- 14.45: Dansinn stiginn að miðalda sið
- 15.15: Hvernig voru miðaldahandrit gerð?
- 16.00: Söguganga um forna verslunarstaðinn
- 11.00-17.00: Kaupmenn selja varning. Handverksfólk að störfum. Bogfimi – fjórar örvar kosta 1.000 krónur.
