Stórstjarnan Helgi Björns fetar í fótspor Bubba Morthens og hefur látið útbúa myndverk með textabrotum úr vinsælum lögum sínum:
„Ég vildi láta ykkur vita að það verða virkilega vönduð innrömmuð textaverk til sýnis og sölu á tónleikunum mínum í Eldborg um helgina. Þau eru fallega innrömmuð, árituð og númeruð og aðeins til í takmörkuðu upplagi. Hvert og eitt þeirra er riso prentað í fallegum lit sem gefur einstaklega skemmtilega áferð og eru þau til í tveimur stærðum 29,7 x 42 cm og 21 x 29,7 cm. Með hverju verki fylgir skírteini sem staðfestir uppruna hvers verk. Ég hlakka til að hitta ykkur í Eldborg um helgina.“
