Þeir vinna jafnvel um helgar við að skipta um glugga í Landakotsspítala enda má ekki raska ró þeirra sem þar dvelja meira en nauðsynlegt er.
Fyrir þá sem eiga leið framhjá skal bent á að í anddyri spítalans á fyrstu hæð er stórmerkileg ljósmyndasýning sem sýnir sögu hússins sem er stórbrotin. Þarna eru nunnur á hestbaki, gamli spítlainn eins og hann var og ungir drengir á sjúkrabeði – átakanlega góð ljósmynd.
Svo er hraðbanki í kjallaranum opinn allan sólarhringinn – sé eini í hverfinu eftir að bankarnir hurfu upp í Borgartún.
Hrefnugata 5 í Norðurmýrinni lætur ekki mikið yfir sér en hérna býr skattakóngur ársins, Jón A Árnason.
Jón hefur búið lengi á Hrefnugötunni ásamt eiginkonu sinni, Dagnýju Lárusdóttur, en bæði eru þau 68 ára gömul.
Það var sala á hlutabréfum í spænsku lyfjafyrirtæki, sem byggt var á grunni íslenska Omega lyfjafyrirtækisins, sem færði Jóni á Hrefnugötunni titilinn Skattakóngur 2014. Omega var á sínum tíma stofnað af Friðriki Steini Kristjánssyni en sjálfur varð hann skattakóngur á Íslandi fyrir nokkrum árum þegar hann seldi sín hlutabréf.
Þetta sýnir að það er lyfjabransinn sem gerir menn ríka ólíkt því sem áður var þegar Þorvaldur í Síld & fisk var skattakóngur áratugum saman – og síld og fiskur eru í raun miklu hollari en öll heimsins lyf.
Ólafur Ragnar Grímsson, forseti Íslands, heimsótti Landsmót skáta að Hömrum á dögunum. Forsetinn fór um mótssvæðið og kynnti sér mótið og aðstæður að Hömrum, heilsaði upp á íslenska og erlenda skáta og gæddi sér á góðgæti á nokkrum stöðum.
Eftir að hafa gengið um svæðið var forsetanum boðið til kvöldverðar í einum skátabúðunum og í framhaldi af því í kvöldkaffi hjá öðrum skátahópi. Þar gaf forsetinn sér tíma til að ræða við skátana og vakti það mikla lukku meðal erlendu skátanna. Að lokum var farið á torgavarðeld þar sem forsetinn sagði nokkur orð við þátttakendur.
Þessi indverska fjölskylda fékk sér pylsu á Bæjarins bestu í Tryggvagötu á dögunum.
Á ferðafólkinu var að skilja að veitingarnar væru góðar en Indverjar eru miklir matmenn og hafa þróað þá matarmenningu sem hvað hæst rís í heiminum í dag.
Samt virkuðu Bæjarins bestu en þær nálgast indverskan mat helst bara með hráum og sinnepi í botninum.
...að Jóna Þorvaldsdóttir opni ljósmyndasýningu í galleríinu hjá Ófeigi gullsmiði á Skólavörðustíg á laugardaginn klukkan þrjú sem hún nefnir Augnablik í tíma. Jóna ljósmyndari er þekkt fyrir að nota sígildar ljósmyndunaraðferðir (alternative photography) við gerð verka sinna en þær voru vinsælar á upphafstímum ljósmyndunar. Auk hinnar hefðbundnu silfur-gelatin prentunar notar Jóna platinum-palladíum aðferðina og bromoil blektækni og nýtur þar töluverðrar sérstöðu hér á landi. Á sýningunni Augnablik í tíma, sýnir Jóna platínum-palladíum og silfur gelatin ljósmyndir frá Íslandi, m.a frá Ströndum og Gálgahrauninu. Margar ljósmyndanna tók Jóna á gamla blaðfilmuvél og notar filmur sem eru í 8x10” formati þ.e. 20x25cm að stærð. Filmurnar framkallar hún í bökkum og kontaktprentar svo ljósmyndirnar á gæða bómullarpappír undir útfjólubláu ljósi eða sólarljósi. Silvur gelatin ljósmyndirnar tók Jóna á innrauðar filmur og handstækkar ljósmyndirnar á 300g Ilford fiber pappír þannig að hver og ein mynd er einstök.
...að nær hefði verið að gera Þór Saari, fyrrverandi alþingismann, að sendiherra frekar en Geir Haarde og Árna Þór Sigurðsson sem hefur þó vinnu á Alþingi því Þór hefur ekki fengið neina vinnu frá síðustu kosningum.
...að heldur þyki dýrt í Gömlu laugina á Flúðum sem nýtur mikilla vinsælda meðal ferðamanna og heitir þá The Secret Lagoon - 2.500 krónur fyrir fullorðna en þó ókeypis fyrir börn.
...að Jónas Kristjánsson, einn gleggsti fjölmiðlamaður þjóðarinnar í hálfa öld, sé sammála breyttum áherslum á Séð og Heyrt sem stílar ekki lengur upp á krúttkynslóðina: Eiríkur Jónsson telur, að lestur á Séð & heyrt hafi aukizt mjög við að miða efnið við eldra fólk. Ég samfagna Eiríki og tel, að stefnan sé rétt. Engin skynsemi er í að gera að markhópi þær ungu kynslóðir, sem ekki vilja kaupa fréttir.
...að Hugleikur Dagsson sendi frá sér tvær nýjar bækur í dag: Popular Hits III og You are Nothing. Popular Hits III er þriðja og jafnframt síðasta bókin í seríunni þar sem snúið er miskunnarlaust út úr titlum valinkunnra dægurlagaperlna. You are Nothing er þriðja safnritið með bestu teikningum Hugleiks en fyrri tvær bækurnar eru I Like Dolphins og hin margrómaða My pussy is Hungry.
Efnistök í þessum nýjustu bókum Hugleiks eru kunnugleg aðdáendum hans; þar er meðal annars tæpt á áfengissýki, firringu, undarlegum kynhvötum og almennu ofbeldi – allt með hæfilegum skammti af notalegri kaldhæðni.
...að Jói Fel sé að dusta rykið af gamlli hugmynd um að opna bakarí í Mosfellsbæ og eru aðrir bakarar í bænum svo skelkaðir að þeir vita vart í hvorn ofninn þeir eiga að setja deigið.
...að Nick Griffin, formaður breska Þjóðernisflokksins, sé ekkert ósvipaður Sigmundi Davíð í útliti - einhver svipur.
...að margt eldra fólk kvarti yfir því að engir bekkir séu í Bankastræti til að tylla sér á og kasta mæðinni á leið upp brekkuna sem getur verið stíf fyrir hjartveika. Eina leiðin sé að setjast á múrverkskant giðingarinnar um Stjórnarráðið en þá er erfitt að standa upp. Tveir bekkir eru reyndar neðst í Bankastrætinu við Bernhöftstorfuna en þeir standa hlið við hlið.
...að nokkrir af vinsælustu vefmiðlum landsins í jaðarkantinum hyggi á samvinnu um auglýsingasölu og markaðssetningu undir nafninu 366 miðlar.
...að tekjublað DV sýnir betur en margt annað hvernig íslenskt samfélag er límt saman á lyginni.
...að Kristín sé klár - Kristín Þorsteinsdóttir nýr útgefandi hjá 365 miðlum sem þar ræður nú öllu. Hún og Vilmundur heitinn Gylfason eru systrabörn og tengdafaðir hennar alþingismaður Framsóknarflokksins um árabil, góðvinur Steingríms Hermannssonar og sýslumaður í Reykjavík, Jón Skaftason, faðir Skafta Jónssonar sem verið hefur í utanríkisþjónutunni með aðsetur í Washington en hjónin Kristín og Skafti komust heldur betur í fréttirnar þegar búslóð þeirra skemmdist í gámi í flutningunum vestur um haf og þar á meðal fjöldi rándýrra samtímalistaverka en fyrir það ferðalag hafði Kristín verið upplýsingastjóri Jóns Ásgeirs og Baugs og þekkti þar vel til því mágur hennar, Gestur Jónsson, bróðir Skafta eiginmanns hennar, hefur verið helsti verjandi Baugsmanna í áratug í löngum málaferlum sem enn sér vart fyrir endann á. Mestu skiptir þó að Kristín er klár, velviljuð, góðhjörtuð og greind - með tilkomu hennar inn á gólf fjölmiðlasamsteypu 365 miðla hækkar greindarvísitalan þar umtalsvert sem hlýtur að vita á gott til framtíðar.
...að fólk sem stundar Hot Yoga leysi óvenulega mikin vind þegar það slakar á í tímum.
...að útsendingaklukkur Ríkisútvarpsins og 365 miðla séu ekki alveg samstilltar. Ríkisútvarpið er alltaf nokkrum sekúndum á undan með fréttirnar.
