„Ég óska eftir innsýn frá íbúum Vesturbæjar um hvað einkennir hverfið. Það gæti verið bygging, gróður, gata, landslag, dýr, menning – hvað sem er. Ég er að vinna að lokaverkefninu mínu í Listaháskólanum og þætti vænt um að heyra frá ykkur.,“ segir Emelía Bjarkar. Og ekki stendur á viðbrögðum:

Egil Helgason sjónvarpsstjarna: Nokkuð stórir garðar – gróður – gamla höfnin sem eitt sinn var líka leiksvæði barna í hverfinu – barnvænt umhverfi og reyndar vænt fyrir eldra fólk líka – gott til göngu – því miður of mikil bílamergð í stæðum núorðið – ágætt samræmi í byggingastíl og stærð húsa – mitt viðhorf mótast af því að hafa búið í Vesturbænum norðan Hringbrautar.

Ólafur Ísleifsson fv. alþingismaður: Ekki missa af dýrlegum arkitektúr. Dæmi: Byggingar við Melatorg. Melaskólinn, Neskirkja, Hagaskóli, Hótel Saga, Háskólabíó, Birkimelsblokkin, húsin í kring. Tékkaðu á höfundum þessara bygginga. Farðu um hverfið og skoðaðu byggingardjásnin. Dæmi: Kvisthagi 12. Mörg svona dæmi. Þetta er bara byrjunin. Þú hefir úr gríðarmiklu efni að moða. Gangi þér vel.“

Danski meistarakokkurinn Jesper Krabbe er farinn að hita upp fyrir Food & Fun í Reykjavík 6.-10 mars. Kokkarnir á veitingastaðnum Brút í Pósthússtræti eru orðnir spenntir:

„Við hlökkum rosalega til að taka á móti honum enda var alveg brjálæðislega gaman hjá okkur í fyrra.“

Ekki er nóg með að Jesper sé frábær kokkur heldur er líka gaman að sjá hann elda í stutterma bol því hann er með tattú á hægri öxl, grillpulsa á gaffli, aðeins neðar er kartöfluplanta og sjóðandi pottur á hægri öxl.

Barbra Streisand tók við verðlaunum fyrir ævistarf sitt um síðustu helgi – Life Achievement Award at the 30th Screen Actors Guild Awards.

„Það er frábært að fá þessi verðlaun, sérstaklega vegna þess að þú ert látin vita fyrirfram að þú fáir þau. Ef ekki þá brosir þú bara,“ sagði Barbra í þakkarræðu sinni.

Veislustjórinn hafði á orði að að að Barbra léti sér ekki nægja að syngja sína söngva heldur væri hún frekar og ekki síður að segja sögu.