„Þann 26. október 1978 þegar ég var í námi og starfi í Gautaborg tók ég sporvagn frá miðborg Gautaborgar upp til úthverfisins Angered til þess að túlka þar fyrir félagsstofnunina,“ segir Friðrik Brekkan, landsþekktur leiðsögumaður, í tilefni dagsins – áttræðisafmælis Svíakonungs:
–
„Skildi ekkert í þeim mannfjölda sem þar var samankominn en þá rakst ég á Svíakonung sem var þangað einnig kominn með sporvagni til þess að vígja Angereds Centrum sem var eiginlega sérstaklega sett upp fyrir innflytjendur og þá Svía sem höfðu áhuga á að búa í þessu úthverfi.
Heilsaði konunginum og minntist hann þá stuttlega með ánægju á Íslandsheimsókn sína nokkrum árum áður.
Allavega er hann að fylla áttunda tuginn í dag og sendi beztu afmæliskveðjur með þessarri mynd sem ég smellti af honum.“
