„Mér varð hugsað til fyrsta áramótaskaups Sjónvarpsins sem varðveist hefur, að mér skilst, en það er frá gamlárskvöldi 1967 og það annað í röðinni,“ segir Þuríður Sigurðardóttir söngkona og myndlistarmaður:
–
„Skaupið þá var með afar ólíku yfirbragði því sem boðið var uppá í ár, allt mun minna í sniðum og grínið allt öðru vísi.
Ung og óreynd söngkona steig sín fyrstu skref í leik og söng í sjónvarpi og upptakan tók aðeins daginn með örfáum klippingum. Ég reikna með að einhverjir hafi gaman að rifja þetta upp.
–
Samfélagsmiðillin var bara einn á þessum tíma, Velvakandi í Morgunblaðinu og þar heyrðist rödd fólksins. Einhver hafði fyrir því að að skrifa og póstleggja bréf til blaðsins með umsögn og fór mildum höndum um táninginn og okkur öll, sem komu að Skaupinu.
–
