„Guðmundur Ingi átti ekki neinn skynsamlegan möguleika á að skipa Ársæl Guðmundsson til annarra 5 ára – án auglýsingar,“ segir Benedikt Sigurðarson þrautreyndur skólamaður, fyrrum skólastjóri Barnaskóla Akureyrar, aðjúnkt við Háskólann á Akureyri og með meistarapróf í stjórnun og stjórnsýslu skóla frá háskóla Bresku Kólumbíu í Vancouver í Kanada árið 1996.
–
„Í fyrsta lagi var augljós spillingarbragur á því þegar Ársæll var ráðinn í Borgarholtsskóla – – enda mælti skólanefndin einróma með öðrum umsækjanda – og einn skólanefndarmaður taldi sig knúinn til að segja af sér í nefndinn vegna þessa.
–
Í öðru lagi hefur Ársæll á sér þekktan pólitískan-plottskaða – sem meðal annars tryggði honum stöðuna þar sem hann hefur áður unnið „sérkennilega“ á jöðrum hins faglega. Þannig að það er bókstaflega ósatt að hann „sé á einhvern hátt óumdeildur sem fagmaður“ þótt hann hafi mætt í vinnuna sína og skilað afköstum.
–
Í þriðja lagi þá framdi Ársæll alvarlegt trúnaðarbrot gagnvart barni sem glataði skóm – og meistarinn útbásúnaði tveggja manna (trúnaðar)samtal – sama hver er amma barnsins og sama hvað hún kynni hafa að hafa sagt vanhugsað. Slík frásögn meistarans er í besta falli slúður – og ekki öllu merkilegri vitnisburður um tveggja manna tal.
–
Það hefði ótvírætt verðskuldað áminningu að mínu mati – og hrein hörmung að meistarinn hafi ekki einu sinni séð sóma í að segja sorrý.
–
Meistarinn lætur nú í veðri vaka að hann hafi verið rekinn eða vikið til hliðar – sem er bókstaflega ósatt – og fjölmiðlarnir spinna ótrúlega þvælu útfrá innanhússpósti meistarans.
–
Guðmundur Ingi áformar breytingar á framhaldsskólakerfinu og um þær kunnum við ráðherrann og ég að vera algerlega ósammála. En Ársæll velur sjálfur hvort eða hvernig hann leggur að mörkum til skólastefnu og framtíðar Borgarholtsskóla – en mér er til efs að þetta bréf hans til starfsmanna sé gott innlegg í næstu missirin í starfi Borgarholtsskólans . .
Ársæll Guðmundsson skólameistari í Borgarholtsskóla er ekki fórnarlamb Guðmundar Inga Kristinssonar ráðherra – bara alls ekki.“
