Gamall og þaulreyndur Framsóknarmaður var beðinn um álit á leitinni að nýjum formanni flokksins þegar nokkuð ljóst er að Sigurður Ingi taki ekki slaginn á ný. Hér er skýrsla hans:
–
Trausti Hjálmarsson formaður bændasamtakanna. Á besta aldri og kann að koma fyrir sig orði. Með Trausta færi Framsókn aftur til upprunans, kjarnar sig. Þjappar saman þeim tugþúsundum um land allt sem átta sig að án öflugrar landsbyggðar er lítið varið í Ísland. Hirðir þjóðrembuna af Miðflokknum.
–
Undir sama merki mætti nefna Vigdísi Häsler, fyrrum framkvæmdastjóra bændasamtakanna. Eldklár, vel þekkt, tími til kominn á konu í forystu flokksins.
–
Sigmundur Davíð Gunnlaugsson. Sameinar Framsókn og Miðflokkinn í sterka þjóðræknisfylkingu. Lofar að setja 100 milljarða á ári í úrbætur í vegakerfinu. Stöngin inn. Sá þriðjungur þjóðarinnar sem býr fyrir utan pípuhlið suðvesturhornsins þráir ekkert meira en bættar samgöngur.
