„Þegar maður leitast við að vanda sig í lífinu þá hafa hlutirnir tilhneiginu til að ganga betur en ella og gjörðir manns fæða af sér orku sem hægt er að kalla „Karma“ eða eitthvað annað,“ segir Tolli Morthens í hugleiðingu dagsins:
–
„Þetta er orka sem býr til stöðuga framvindu í kringum mann á þeirri leið sem maður fetar, hvort sem maður sefur eða vakir. Finnst mér þessi orka stöðugt vera að störfum, meðan maður slepppir tökum á áhyggjum yfir framtíðinni eða losar sig frá hugarangri yfir fortíðinni er þessi orka flæðandi með manni og maður finnur meir og meir hve það er oft í lagi að sleppa og treysta.
–
Hlutirnir hafa tihneigingu til að lagast og það er eins og rakni úr flækjum og svörin birtast manni. Þetta les ég úr morgunbirtunni eftir kaffibollann…“
