„Ég vil vara ykkur við. Rétt í þessu eða um klukkan hálf þrjú í dag var brotist inn í bílinn minn þar sem hann stóð á bílastæði við Espimel. Þjófurinn rótað í hanskahólfinu og var bersýnilega að leita að einhverju verðmætu,“ segir Júlíus Vífill Magnússon fyrrum borgarfulltrúi í Reykjavík:
„Ég geymi ekki verðmæti í bílnum nema að þar voru bíllyklar sem ganga að fornbíl og þeim hefur þjófurinn stolið. Það er mjög bagalegt fyrir mig. Bið ykkur um að vera á verði því þetta er ansi bíræfið. Þjófnaður um hábjartan dag og inn á einkalóð. Ef þið sjáið lykla sem ég reikna með að þjófurinn hendi þegar hann kemst að því að hann getur ekki nýtt þá þá vinsamlega látið mig vita.“
