„Donald Trump kemur í opinbera heimsókn til Bretlands í kvöld. Mun gista í Windsor,“ segir Sigfús Arnþórsson rithöfundur og tónlistarmaður búsettur í Englandi og fylgist vel með á sinni heimaslóð:
„Á morgun verður aðal-seremónían. Og það gera Bretar betur en flestar þjóðir. Þeir kalla það „pomp and circumstance“ Það eru lúðrasveitir og hermenn í búningum á hestum og alls konar. Mikil og falleg sýning.
–
Svo mun hann tala við King Charles Og það væri frábært að sjá frá því ólíkari menn eru tæpast til. Trump mun verða óðamála. Hann er í eðli sínu farandsölumaður frá Chicago og lítur óendanlega mikið upp til bresku konungsfjölskyldunnar. King Charles lítur enn á USA sem eina af nýlendum sínum og mun eflaust spyrja sig: „Hver er hann aftur, þessi málglaði þegn?
–
Trump mun flytja honum tíðindi úr nýlendunni – en þó aðallega af sjálfum sér. Hvaða nýju, frábæru business samningum hann hafi verið að ná og King Charles mun kinnka kolli og hugsa mest um hvort fjölskyldusilfrið hafi verið vandlega læst niður áður en þessi maður kom. Og hvort gesturinn gæti verið með lús. Þetta verður frábært show, hvernig sem það verður.
–
Á fimmtudaginn mun Trump svo hitta Starmer forsætisráðherra og það verður jafn leiðinlegt og hitt var skemmtilegt. Einfaldlega af því að Starmer er svo leiðinlegur að allt verður leiðinlegt sem hann kemur nálægt. Jafnvel Trump.
–
En President Trump og King Charles er góð sýning. Fullkominn misskilningur á báða bóga.“
