„Það er ekki á hverjum degi sem maður fær að sjá vinnsluútgáfu af íslenskri kvikmynd áður en hún fer í almennar sýningar. En fyrr í sumar fékk ég einmitt tækifæri til að sjá slíka útgáfu,“ segir Alfreð Ásberg bíókóngur í SAM-veldinu. Um er að ræða væntanlega mynd Braga Þórs Hinrikssonar og Helgu Arnardóttur, Röskun, sem byggð er á samnefndri og vinsælli bók eftir Írisi Ösp Ingjaldsdóttur.
–
„Röskun er djúpur og áhrifamikill spennuþriller sem heldur áhorfandanum föngnum frá fyrstu mínútu. Sagan fylgir Heru Hallgrímsdóttur, rúmlega þrítugum lögfræðingi sem glímir við kvíða, félagsfælni og áföll úr fortíðinni. Ógnin sem hún stendur frammi fyrir í nútímanum krefst þess að hún takist ekki aðeins á við eigin myrkviða heldur einnig óvænta og óhugnanlega atburði sem grafa um sig í kringum hana. Lína milli raunveruleika og ímyndunar verður æ óljósari eftir því sem sagan þróast.“
–
Röskun er væntanleg í Sambíóin í vetur.
