„RÚV virðist nánast eingöngu sinna einu ákveðnu kvikmyndahúsi í bænum í sinni menningarumfjöllun. Það kvikmyndahús (Regnboginn) er rekið á styrkjum frá ríki og borg, ólíkt öðrum kvikmyndahúsum sem fá enga slíka opinbera aðstoð,“ segir Alfreð Ásberg bíókóngur í SAM-veldinu:
–
„Þrátt fyrir að ég hafi ekkert persónulega á móti þessu kvikmyndahúsi, sem hefur sitt gildi í menningarlífi landsins, þá er mikilvægt að tryggja jafnræði í umfjöllun og stuðningi.
Við, sem rekum kvikmyndahús án styrkja frá ríki eða borg, leggjum mikið upp úr því að bjóða upp á fjölbreytta menningardagskrá. Við sýnum meðal annars Óskarsverðlaunamyndir, íslenskar myndir, sjálfstæðar myndir og myndir frá ýmsum kvikmyndahátíðum. Auk þess sýnum við óperur í beinni útsendingu frá Metropolitan óperunni í New York, sem er einstakt tækifæri fyrir Íslendinga að njóta heimsklassa menningar í sinni heimabyggð.
–
Ég vona sannarlega að forráðamenn RÚV taki þetta til skoðunar, endurskoði sína stefnu og tryggi að stofnunin þjóni allri menningu og öllum landsmönnum.
Það er hlutverk RÚV að endurspegla menningarlíf þjóðarinnar í allri sinni breidd, þar á meðal framlag óháðra kvikmyndahúsa og annarra menningaraðila sem starfa af eldmóði án opinberra styrkja.
–
Menning er ekki einkamál nokkurra útvalinna; hún er og á að vera menning allra landsmanna.“
