Sigur Donalds Trumps hefur farið sérstaklega illa í sumt starfsfólk Reykjavíkurborgar. Kona sem titlar sig ,,sérfræðing í stjórnsýslusnatti” skrifar status á FacEbook, sem aðrir starfsmenn borgarinnar hafa áframdreift á samfélagsmiðlinum, þar sem hún harmar úrslitin. Nánar tiltekið segist sérfræðingurinn vera í áfalli eftir sigur Trumps og hafi hún ekki treyst sér fram úr fyrr en um hádegi á miðvikudaginn (virkur dagur) en þá hafi hún farið í vinnuna og skrifað langan FB-status.
Í Ráðhúsinu segist hún hafa mætt hverri samstarfskonunnin á fætur annarri ,,með sama þróttleysið“ og hún fann sjálf, „málað yfir andlitið“. Þannig gekk dagurinn fyrir sig í vinnunni í Ráðhúsinu þar sem konurnar sátu við tölvuskjána sína en með „reglulegu millibili heyrðist einhver segja setningar eins og ,,ég skil þetta ekki“, ,,ég trúi þessu ekki“ og ,,hvernig gat þetta gerst?“ Þannig gengu þær um Ráðhúsið ,,þar sem við litum hver á aðra með sama flata en leitandi svipnum“.
Sumir segja stjórnsýslu borgarinnar í molum. Það rennir stoðum undir slík sjónarmið ef starfsfólk lítur á störf sín sem ,,snatt“ og drattast ekki í vinnuna fyrr en upp úr hádegi til að skrifa langa Facebook statusa um áföll sín vegna mannabreytinga í Hvíta Húsinu í Washington DC. Ekki er öll vitleysan eins, myndi ræstitæknirinn segja sem kemst ekki undan störfum sínum sama hvað dynur á úti í Ameríku.
