„Þó RÚV og amerískir stórmiðlar klifi stöðugt á því að Kamala Harris og Donald Trump séu hnífjöfn í aðdraganda bandarísku forsetakosninganna hafa um töluvert skeið verið skýrar vísbendingar um að Harris sé á sigurbraut. Það telur alla vega spástofan á Vesturgötu,“ segir Össur Skarphéðinsson fyrrum pólitíkus sem einmitt býr á Vesturgötu og því líklega spástofustjóri þar:
„Á lokaviku kosningabaráttunnar er greinilegt að fylgið er að falla með Harris. Skýrasta dæmið er ný könnun í Iowa sem enginn fjölmiðill, raunar enginn heilvita maður, hefði getað hugsað upp en skv. henni er Trump að tapa fyrir Harris í Iowa ríki. Könnunina gerði Des Moines Register (DMR), sem er oft kallað “gullstandardinn” í skoðanakönnunum vestra. Könnunin sýnir að Harris er yfir í Iowa í fyrsta skipti í kosningabaráttunni – með 47% gegn 43% Trumps.
