„Við fjölskyldan erum að hugsa okkur til hreyfings, eftir nokkur ár í Þverholtinu. Búseta-íbúðin okkar hefur því verið auglýst til sölu,“ segir Ragnhildur Sverrisdóttir eiginkona Hönnu Kristínar Friðriksson alþingiskonu:
„Hjá Búseta er kerfið þannig að eftir því sem fólk hefur verið lengur félagar, þeim mun betri líkur á það á að hreppa hnossið. En svo er kerfið líka þannig, að hver sem er getur keypt þar íbúð, ef enginn félagsmaður hefur gefið sig fram innan ákveðins frests. Í okkar tilfelli rennur sá frestur út kl. 16 á miðvikudag.
Það hefur verið afskaplega gott að búa þarna, þetta er auðvitað stórkostlega miðsvæðis og samt er alveg pollrólegt og hljótt. Íbúðin er mjög skemmtileg, með sérinngangi úr húsagarði og á tveimur hæðum, alls 6 herbergja. Svo er fín geymsla í kjallara og stæði í bílakjallara.“
