„Misvitrar efnahagsákvarðanir, og tollarugl Donalds Trumps forseta Bandaríkjanna hafa aukið verðmæti gullforða Seðlabankans um rúma 9 milljarða króna á þessu ári,“ segir Friðrik Indriðason blaðamaður á eftirlaunum:
–
„Frá því að Trump tók við völdum eftir áramótin hefur tiltrú fjárfesta og seðlabanka á dollaranum hrapað. Ríkisstjórnir annarra landa hafa í miklum móð breytt dollurum sínum í gull.
–
Þetta hefur leitt til þess að verð á gulli hefur rokið upp. Um áramótin var hægt að kaup únsu (28 grömm) af gulli á 2.600 dollara. Í dag kostar únsan rúmlega 3.650 dollara. Þetta er hækkun um ríflega 40%.
–
Í ársskýrslu Seðlabankans fyrir 2024 kemur fram að gullforði Íslands nam 23 milljörðum króna um áramótin. Í dag er hann metinn á rúma 32 milljarða. Þetta er rúmlega 9 milljarða króna hækkun á árinu. Og flestir búast við enn frekari hækkun á gulli, það geti farið í yfir 5.000 dollara á únsuna. Þá gætum við þakkað Trump fyrir að hafa tvöfaldað verðmæti gullforðans.
