Borgarsögusafnið býður upp á leiðsögn á pólsku í Landnámssýningunni í Aðalstræti sunnudaginn 22. september kl. 14:30.
Marta Wieczorek, Reykvíkingur ársins og aðstoðarskólastjóri Pólska skólans í Reykjavík, sér um leiðsögnina.
Í Aðalstræti 10 og 16 er sýning um hvernig Reykjavík hefur breyst frá landnámi til dagsins í dag. Leiðsögnin byrjar í Aðalstræti 16 þar sem er rúst af húsi frá 10. öld og sýning um líf fyrstu íbúa Reykjavíkur. Leiðsögnin heldur áfram í elsta húsi í miðbæ Reykjavíkur, Aðalstræti 10. Þar er sýning um þróun Reykjavíkur til dagsins í dag.
Leiðsögnin er ókeypis og öll sem tala pólsku eru boðin hjartanlega velkomin.
