Vínbúðin á Laugarásvegi um 1970, einskonar umsátursástand. Bílum lagt út um allt, engar stöðumælasektir og búðin sjálf pakkfull af fólki – eins og síld í tunnu.
Guðbjartur Walther H Ólafsson bitir þessa mynd og kann skýringu á ástandinu:
„Í þá gömlu daga fengu landsmenn greitt klukkan 17:00 á föstudögum og Ríkið lokaði klukkan 18:00, þá myndaðist oft svona skemmtileg röð við Laugarásveg.“
Þessi vínbúð var kölluð Dömuríkið því þegjandi samkomulag var á milli kynjanna um að þarna skyldu konur kaupa sitt áfengi. Þær mættu yfirleitt með sólgleraugu.
