Pirraður bíleigandi sendir skeyti:
–
Ég átti því miður erindi í miðborg Reykjavíkur og hugðist leggja í bílakjallara ráðhússins. FULLT stóð á skilti við innkeyrsluna.
Ég gerði mér því ferð í kjallarann til að sannreyna þessa fullyrðingu. Lygin blasti við út um allt, það voru 38 laus stæði. Samt sagt FULLT.
Vissulega þarf fólk með fasta áskrift að ganga að einhverjum lausum stæðum. En nokkuð vel í lagt að fjórðungur af öllum stæðunum standi ónotaður.
Kannski að nýr meirihluti taki fyrir svona rugl.
–
