Heimildakvikmynd eftir Jóhann Sigmarsson sem segir frá ævi og störfum Þóris Baldurssonar og yfirgripsmiklum og litríkum ferli hans í íslenskri og alþjóðlegri tónlistarsögu verður frumsýnd í Bíó Paradís laugardaginn 17. janúar. Að lokinni frumsýningu verður Diskó Partý í Paradís.
–
Í myndinni ferðast hann um heiminn, hittir gamla samstarfsmenn og rifjar upp tímana þegar hann var hluti af þróun diskó- og popptónlistar á sjöunda og áttunda áratugnum.
Með viðtölum, tónlist og endurfundum opnast einstök sýn á manninn á bakvið tónlistina sem enn hefur áhrif á fólk víða um heim.
–
Sýnd verður saga Þóris á bak við tónlistarefnið, fjallað verður um aðferðafræðina og hvernig galdurinn gerðist sem smellpassaði við þróun þessa tónlistartímabils sem að leiddi út frá sér Disco, síðar Break, Rap og Hip Hop tónlist. Enn í dag hefur þessi tónlist mjög mikil áhrif á fólk á skemmtilegan og tilfinningaríkan hátt um allan heim. Það verður alltaf til fólk sem vill dansa og njóta góðrar tónlistar. Það er bara dásamlegt.
–
