Í Japan kalla þeir þetta „madogiwa-zoku“ og er þar átt við starfsfólk sem komið er á aldur en heldur áfram að mæta án þess að hafa nokkrum sérstökum skyldum að gegna, fá skrifborð og tilheyrandi við glugga og eru áfram á launalista fyrirtækisins þar til yfir lýkur.
49% japanskra fyrirtækja hafa þennan háttinn á og vilja með þessu sýna eldri borgurum virðingu og þakklæti fyrir unnin störf í stað þess að þröngva þeim út í starfslok.
