„Það styttist í tennismótið í Wimbledon,“ segir Sigfús Arnþórsson rithöfundur og píanóleikari frá Akureyri sem gerir nú út frá Folkestone í Kent á Englandi:
„Þessi ljósmynd, frá 1976 er eitt mest selda plakat sögunnar. Og kjóllinn sem daman var í, seldist fyrir háar fjárhæðir á uppboði. Þetta er allt til sýnis í Wimbledon Museum Collection í suðvestur London.“
–
Í upphafi níunda áratugarins samdi Sigfús sitt þekktasta lag, lagið Endurfundir fyrir hljómsveitina Upplyftingu en það var titillag annarrar plötu þeirrar sveitar og sló eftirminnilega í gegn sumarið 1981. Lagið hefur margsinnis komið út á safnplötum í gegnum tíðina og einnig hefur hljómsveitin Í svörtum fötum gert laginu skil á plötu. Þá átti hann lag í úrslitum Landslagskeppninnar 1989 og hefur einnig í seinni tíð m.a. verið með í Sjómannalagskeppni Rásar 2.
–
